ടോക്കിയോ: ജപ്പാനില്‍ നടക്കുന്ന വനിതാ ജൂനിയര്‍ ഹോക്കി ഏഷ്യാ കപ്പിന്റെ സെമിഫൈനലില്‍ ഇന്ത്യ ആതിഥേയരായ ജപ്പാനെ 1-0ന് തോല്‍പ്പിച്ചു. സുനേലിത ടോപ്പോ (47′) ആണ് കളിയിലെ ഏക ഗോള്‍ നേടിയത്. 2012ലും ഫൈനല്‍ കളിച്ച രണ്ടാം തവണയും ടൂര്‍ണമെന്റിന്റെ ഫൈനലില്‍ എത്തി. ഫൈനലില്‍ കൊറിയയാണ് എതിരാളി
നവംബര്‍ 29 മുതല്‍ ഡിസംബര്‍ 10 വരെ ചിലിയിലെ സാന്റിയാഗോയില്‍ നടക്കുന്ന ജൂനിയര്‍ ഹോക്കി വനിതാ ലോകകപ്പിനും ഇന്ത്യ യോഗ്യത നേടി. വനിതാ ജൂനിയര്‍ ഏഷ്യാ കപ്പിലെ മികച്ച മൂന്ന് ടീമുകളാണ് ജൂനിയര്‍ ലോകകപ്പിന് യോഗ്യത നേടുക.
ഇന്ത്യയുടെ ആക്രമണ കളി ജപ്പാനെ സമ്മര്‍ദ്ദത്തിലാക്കുന്നതാണ് സെമിയില്‍ കണ്ടത്തത്. ആതിഥേയര്‍ ഇന്ത്യയെ നേരത്തെ ലീഡ് നേടുന്നതില്‍ നിന്ന് തടയുന്നതതിനൊപ്പം സ്‌കോറിംഗ് അവസരങ്ങള്‍ സൃഷ്ടിച്ച് സമ്മര്‍ദ്ദത്തിലാക്കുകയും ചെയ്തു. ജപ്പാന്‍ രണ്ട് പെനാല്‍റ്റി കോര്‍ണറുകളും നേടിയെങ്കിലും അവ ഗോളാക്കി മാറ്റുന്നതില്‍ പരാജയപ്പെട്ടതിനാല്‍ ആദ്യ പാദം ഗോള്‍ രഹിതമായി.
രണ്ടാം പാദവും ആദ്യപാദം പോലെ ആവേശകരമായിരുന്നു, ഇരു ടീമുകളും നിരന്തരം ആക്രമിച്ചു. ജപ്പാന്‍ രണ്ട് തവണ സ്‌കോറിങ്ങിന് അടുത്തെത്തിയെങ്കിലും ഇന്ത്യയുടെ ഗോള്‍കീപ്പര്‍ മാധുരി കിന്‍ഡോ മികച്ച സേവുകള്‍ നടത്തി . രണ്ടാം പാദത്തില്‍ ഇന്ത്യയ്‌ക്കോ ജപ്പാന്ക്കോ ഗോള്‍ നേടാന്‍ കഴിഞ്ഞില്ല.ഗോള്‍ രഹിതത സമനിലയില്‍ ഇരുടീമുകളും ഇടവേളയിലേക്ക് കടന്നു.
ജപ്പാന്‍ കൂടുതല്‍ ആക്രമണങ്ങള്‍ നടത്തി ഇന്ത്യയെ പിന്നോട്ടടിക്കുന്നതിനാണ് മൂന്നാം പാദം സാക്ഷ്യം വഹിച്ചത്. പെനാല്‍റ്റി സ്ട്രോക്ക് ലഭിച്ചപ്പോള്‍ ലീഡ് നേടാനുള്ള മികച്ച അവസരം ഇന്ത്യന്‍ ടീമിന് ലഭിച്ചെങ്കിലും മുതലാക്കുന്നതില്‍ പരാജയപ്പെട്ടു. നിരവധി അവസരങ്ങള്‍ ലഭിച്ചെങ്കിലും ഇരുടീമുകളും ഗോളുകള്‍ കണ്ടെത്തുന്നതില്‍ പരാജയപ്പെട്ടു. മൂന്നാം പാദവും ഗോള്‍ രഹിതമായി അവസാനിച്ചു.
ഇന്ത്യയുടെ ആധിപത്യത്തോടെയാണ് നാലാം പാദം ആരംഭിച്ചത്, സുനീലിത ടോപ്പോ (47′) ഉജ്ജ്വലമായ ഫീല്‍ഡ് ഗോള്‍ നേടി ഇന്ത്യന്‍ ടീമിന് 1-0 ന് ലീഡ് നല്‍കി. സ്‌കോര്‍ലൈന്‍ തങ്ങള്‍ക്കനുകൂലമായതോടെ, സമനില ഗോള്‍ നേടുന്നതില്‍ നിന്ന് ജപ്പാനെ തടയാന്‍ കൂടുതല്‍ ആക്രമണോത്സുകമായി കളിക്കുന്നതിനിടയില്‍ പൊസഷന്‍ നിലനിര്‍ത്തുന്നതില്‍ ഇന്ത്യ ശ്രദ്ധിച്ചു. മത്സരം 1-0ന് ഇന്ത്യക്ക് അനുകൂലമായി അവസാനിച്ചു
പ്രതികരിക്കാൻ ഇവിടെ എഴുതുക: