ബാങ്കോക്ക് : തായ്ലന്‍ഡ് ഓപ്പണ്‍ സൂപ്പര്‍ 500 ടൂര്‍ണമെന്റില്‍ മലേഷ്യയുടെ ലിയോങ് ജുന്‍ ഹാവോയ്‌ക്കെതിരായ ക്വാര്‍ട്ടര്‍ ഫൈനല്‍ മത്സരത്തില്‍ ഇന്ത്യന്‍ ബാഡ്മിന്റണ്‍ താരം ലക്ഷ്യ സെന്നിന് ജയം. 21-19, 21-11 എന്ന സ്‌കോറിനാണ് ലക്ഷ്യ സെന്‍ വിജയിച്ചത്.
സെമിയില്‍ ചൈനയുടെ അഞ്ചാം സീഡ് ലു ഗുവാങ് സുവോ തായ്ലന്‍ഡിന്റെ രണ്ടാം സീഡായ കുന്‍ലാവുട്ട് വിറ്റിഡ്സാറിനെയോ ആണ് ലക്ഷ്യ നേരിടുക . ലോക റാങ്കിംഗില്‍ 23 ാം സ്ഥാനത്താണ് ലക്ഷ്യയുളളത്. സീസണിലെ മോശം പ്രകടനം കാരണം കരിയറിലെ ഏറ്റവും മികച്ച ആറാം റാങ്കില്‍ നിന്ന് താഴേക്ക് പോവുകയായിരുന്നു
അതേസമയം, മറ്റൊരു പുരുഷ സിംഗിള്‍സ് മത്സരത്തില്‍ ഫ്രാന്‍സിന്റെ ടോമ ജൂനിയര്‍ പോപോവിനോട് തോറ്റതോടെ ടൂര്‍ണമെന്റിലെ കിരണ്‍ ജോര്‍ജിന്റെ കുതിപ്പ് അവസാനിച്ചു. ജോര്‍ജ്ജ് വീറോടെ പൊരുതിയെങ്കിലും ഒടുവില്‍ 16-21, 17-21 എന്ന സ്‌കോറിന് തോറ്റു.
പ്രതികരിക്കാൻ ഇവിടെ എഴുതുക: