തൃശൂര്‍: ജോലി വാഗ്ദാനം ചെയ്ത് സാമ്പത്തിക തട്ടിപ്പ് നടത്തിയതുമായി ബന്ധപ്പെട്ട് തൃശൂര്‍ കോഓപ്പറേറ്റീവ് വിജിലന്‍സ് ഡിവൈഎസ്പിയുടെ ഭാര്യ അറസ്റ്റില്‍. കെ. സുരേഷ് ബാബുവിന്റെ ഭാര്യ വി. പി. നുസ്രത്താണ് പിടിയിലായത്.
റെയില്‍വേയില്‍ ജോലി വാഗ്ദാനം ചെയ്തും അഭിഭാഷകയെന്നു തെറ്റിദ്ധരിപ്പിച്ചും തട്ടിപ്പു നടത്തിയെന്നാണ് കണ്ടെത്തിയിരിക്കുന്നത്. ഇവര്‍ക്കെതിരേ 9 കേസുകള്‍ രജിസ്റ്റര്‍ ചെയ്തു. തൃശൂരിലെ വീട്ടില്‍ നിന്നുമാണ് ഇവരെ അറസ്റ്റ് ചെയ്തത്. സ്വര്‍ണം തട്ടിയ പരാതിയും ഇവര്‍ക്കെതിരേ നിലവിലുണ്ട്. പൊലീസുദ്യോഗസ്ഥന്റെ സ്വാധീനമുപയോഗിച്ച് കേസുകള്‍ മായ്ച്ചുകളയാന്‍ ശ്രമിക്കുന്നുവെന്ന ആരോപണവുമായി പണം നഷ്ടപ്പെട്ടവര്‍ പത്രസമ്മേളനം വിളിച്ചിരുന്നു. കേസുകള്‍ ഒത്തുതീര്‍ക്കാനോ മലപ്പുറം പൊലീസ് ആവശ്യപ്പെട്ടിട്ട് ഹാജരാകാനോ നുസ്രത്ത് തയ്യാറായില്ല. ഈ സാഹചര്യത്തിലാണ് തൃശ്ശൂര്‍ ചേര്‍പ്പില്‍ നിന്ന് ഇവരെ അറസ്റ്റുചെയ്തത്‌
പ്രതികരിക്കാൻ ഇവിടെ എഴുതുക: