ഹിരോഷിമ: ജി 07 ഉച്ചകോടിക്കിടെ ജപ്പാനിലെ ഹിരോഷിമയില്‍ ബ്രിട്ടീഷ് പ്രധാനമന്ത്രി ഋഷി സുനക്കുമായി പ്രധാനമന്ത്രി നരേന്ദ്ര മോദി കൂടിക്കാഴ്ച നടത്തി. ഇരു നേതാക്കളും ഇന്ത്യ – ബ്രിട്ടന്‍ തന്ത്രപരമായ പങ്കാളിത്തം അവലോകനം ചെയ്യുകയും സ്വതന്ത്ര വ്യാപാര കരാറുമായി ബന്ധപ്പെട്ട ചര്‍ച്ചകളിലെ പുരോഗതി വിലയിരുത്തുകയും ചെയ്തു.
വ്യാപാരം, നിക്ഷേപം, ശാസ്ത്ര-സാങ്കേതികവിദ്യ, ഉന്നതവിദ്യാഭ്യാസം, ജനങ്ങളുമായുള്ള ബന്ധം തുടങ്ങി വിവിധ മേഖലകളില്‍ സഹകരണം ശക്തമാക്കാന്‍ ഇരു നേതാക്കളും തീരുമാനിച്ചു. ഉച്ചകോടിക്കിടെ ബ്രസീല്‍ പ്രസിഡന്റ് ലുല ഡ സില്‍വയുമായും മോദി ചര്‍ച്ച നടത്തി.
വ്യാപാര ബന്ധം കൂടുതല്‍ ശക്തമാക്കാന്‍ ഇന്ത്യയും ബ്രസീലും ഒരുമിച്ച് പ്രവര്‍ത്തിക്കുമെന്ന് മോദി ട്വീറ്റ് ചെയ്തു. കൃഷി, പ്രതിരോധം തുടങ്ങിയ മേഖലകളിലെ സഹകരണം വൈവിധ്യവല്‍ക്കരിക്കുന്നതും ചര്‍ച്ചയായി.മേഖലാ തല വികസനത്തെ കുറിച്ചും നേതാക്കള്‍ ആശയവിനിമയം നടത്തി.
പ്രതികരിക്കാൻ ഇവിടെ എഴുതുക: