ഹൈദ്രാബാദ്:നടന് ജൂനിയര് എന്ടിആറിന് ശനിയാഴ്ച 40വയസ് തികഞ്ഞു. ഈ വേളയില് നടന് ജന്മദിനാശംസകളുമായി ഏറെ താരങ്ങള് എത്തി.
ചിരഞ്ജീവി, മഹേഷ് ബാബു, അല്ലു അര്ജുന്, ഹൃത്വിക് റോഷന്, സാമന്ത,ഖുഷ്ബു തുടങ്ങി നിരവധി താരങ്ങള് നടന് ആശംസകള് നേര്ന്നു.
ട്വിറ്ററില് ചിരഞ്ജീവി കുറിച്ചു ‘ജന്മദിനാശംസകള്പ്രതിഭ! ദൈവം നിങ്ങളെ എല്ലാ വിജയങ്ങളും സന്തോഷവും നല്കി അനുഗ്രഹിക്കട്ടെ!
ഒരു ഐതിഹാസിക വര്ഷം ആശംസിക്കുന്നു എന്നാണ് നടന് മഹേഷ് ബാബു ട്വിറ്ററില് കുറിച്ചത്.
ജൂനിയര് എന്ടിആറിന്റെ വരാനിരിക്കുന്ന ചിത്രമായ ദേവരയുടെ പോസ്റ്റര് ഇന്സ്റ്റാഗ്രാമില് പങ്കിട്ടാണ് സാമന്ത ജന്മദിനാശംസകള് നേര്ന്നത്.. നിങ്ങള്ക്ക് മികച്ച വര്ഷം ആശംസിക്കുന്നു .ദൈവം അനുഗ്രഹിക്കട്ടെ – സാമന്ത കുറിച്ചു.
നിരവധി ആരാധകരും സാമൂഹ്യമാധ്യമങ്ങളിലൂടെ ആശംസ അറിയിച്ചു.
നന്ദമുരി താരക രാമറാവു ജൂനിയര് എന്ന എന് ടി ആര് ജൂനിയര് തെലുങ്ക് സിനിമയില് ഏറ്റവുമധികം പ്രതിഫലം വാങ്ങുന്ന നടനാണ്. രണ്ട് ഫിലിം ഫെയര് അവാര്ഡ്, രണ്ട് നന്ദി അവാര്ഡ്, നാല് സിനി മാ അവര്ഡ് എന്നിവ നേടിയിട്ടുണ്ട്. കീരവാണിക്ക് ഓസ്കാര് അവാര്ഡ് നേടിക്കൊടുത്ത നാട്ടു നാട്ടു എന്ന ഗാന രംഗത്തില് രാം ചരണിനൊപ്പം നൃത്തച്ചുവടുകള് വച്ചത് ജൂനിയര് എന് ടി ആര് ആയിരുന്നു.
