പാലക്കാട് : പാലക്കാട് ആര്‍എസ്എസ് നേതാവ് ശ്രീനിവാസനെ വെട്ടിക്കൊന്ന കേസില്‍ ഒളിവിലായിരുന്ന പ്രതി എന്‍ഐഎയുടെ പിടിയില്‍. പോപ്പുലര്‍ ഫ്രണ്ട് അംഗമായ പ്രതി കൊലപാതകത്തിന് പിന്നാലെ ഒളിവിലായിരുന്നു.
2022 ഏപ്രില്‍ 16നാണ് ശ്രീനിവാസനെ പോപ്പുലര്‍ ഫ്രണ്ടുകാര്‍ കടയില്‍ കയറി വെട്ടിക്കൊലപ്പെടുത്തുന്നത്. കേസിലെ മുഖ്യപ്രതികളെല്ലാം സംഭവത്തിന് പിന്നാലെ ഒളിവില്‍ പോയതാണ്. കേസിലെ തീവ്രവാദ ബന്ധങ്ങളെ തുടര്‍ന്നാണ് അന്വേഷണം എന്‍ഐഎ ഏറ്റെടുത്തത്.
കേന്ദ്ര ആഭ്യന്തര മന്ത്രാലയം നല്‍കി റിപ്പോര്‍ട്ട് പ്രകാരമാണ് എന്‍ഐഎ അന്വേഷണം നടത്തിയത്. ഇതില്‍ എസ്ഡിപിഐക്കും കൊലപാതകത്തില്‍ ബന്ധമുണ്ടെന്നും പരാമര്‍ശിച്ചിട്ടുണ്ട്. അന്വേഷണം ഏറ്റെടുത്തതിന് പിന്നാലെ തീവ്രവാദ ഫണ്ടിങ്ങുമായി ബന്ധപ്പെട്ട് എന്‍ഐഎ തെരച്ചില്‍ നടത്തിയിരുന്നു. അതേസമയം ചൊവ്വാഴ്ചയാണ് എന്‍ഐഎ പ്രതിയെ അറസ്റ്റ് ചെയ്തതെങ്കിലും ഇതുസംബന്ധിച്ചുള്ള വിശദാംശങ്ങളൊന്നും പുറത്തുവന്നിട്ടില്ല.
പ്രതികരിക്കാൻ ഇവിടെ എഴുതുക: