തിരുവനന്തപുരം: കാട്ടാക്കട ക്രിസ്ത്യന്‍ കോളജില്‍ എസ്എഫ്‌ഐയുടെ നേതൃത്വത്തില്‍ നടന്ന ആള്‍മാറാട്ടം ജനാധിപത്യ കേരളത്തിന് അപമാനകരമാണ്. സിപിഐഎം ഉന്നത നേതൃത്വത്തിന്റെ ശുപാര്‍ശയില്‍ നടന്ന ഈ നാടകത്തിന് ചുക്കാന്‍ പിടിച്ചത് കോണ്‍ഗ്രസ് നേതാക്കളാണെന്നും ബിജെപി ദേശീയ നിര്‍വാഹക സമിതി അംഗം പി.കെ. കൃഷ്ണദാസ് പറഞ്ഞു.
ഇടത് വലത് മുന്നണി കാലങ്ങളായി കേരളത്തിലാകെ നടത്തുന്ന പൊറാട്ട് നാടകത്തിന്റെ മറ്റൊരുപതിപ്പാണിത്. കോണ്‍ഗ്രസിന്റെ അധ്യാപക സംഘടനയായ കെപിസിടിഎ തിരുവനന്തപുരം ജില്ലാ സെക്രട്ടറി ഡോ: ഷൈജു ജി.ജെ. പ്രിന്‍സിപ്പാള്‍ ആയിട്ടുള്ള കോളജില്‍ എസ്എഫ്‌ഐക്ക് യൂണിവേഴ്‌സിറ്റി യൂണിയന്‍ ചെയര്‍മാനാക്കുവാന്‍ ആള്‍മാറാട്ടാം നടത്തി യുയുസിയെ തന്നെ മാറ്റികൊടുത്തു.
ഇതേ പ്രിന്‍സിപ്പല്‍ കെപിസിടിഎ കേരള സെനറ്റ് സ്ഥാനാര്‍ത്ഥികൂടിയാണ്. യു.യു.സി സ്ഥാനത്തേക്ക് തിരഞ്ഞെടുക്കപ്പെട്ട വിദ്യാര്‍ഥി രാജിവച്ചാല്‍ പോലും തോന്നിയ പോലെ മറ്റൊരാളെ ആ സ്ഥാനത്തേക്ക് നിര്‍ദ്ദേശിയ്‌ക്കാന്‍ പറ്റില്ല. അധികാരത്തിന്റെ തണലില്‍ എന്തും ചെയ്യാമെന്ന സിപിഎമ്മിന്റെ അഹങ്കാരത്തിന്റെ ഫലമാണ് ഇത്തരം അഴിമതികളെന്നും അദേഹം വ്യക്തമാക്കി.
പ്രതികരിക്കാൻ ഇവിടെ എഴുതുക: