കൊച്ചി : കളമശ്ശേരി മെഡിക്കല്‍ കോളേജില്‍ ഡോക്ടറെ ആക്രമിക്കാന്‍ ശ്രമിച്ച പ്രതി പിടിയില്‍. വട്ടേക്കുന്ന് സ്വദേശി ഡോയല്‍ വാള്‍ഡിനാണ് പിടിയിലായത്. ഡോക്ടറെ ആക്രമിച്ചെന്നും വനിതാ ജീവനക്കാര്‍ക്ക് നേരെ അസഭ്യ വര്‍ഷം നടത്തിയെന്നുമാണ് ഇയാള്‍ക്കെതിരായ പരാതി.
തിങ്കളാഴ്ച രാത്രി 11 മണിയോടെയാണ് സംഭവം. അപകടത്തില്‍ പരിക്കേറ്റതിനെ തുടര്‍ന്ന് മെഡിക്കല്‍ കോളേജില്‍ ചികിത്സയ്‌ക്കായി എത്തിയതാണ് ഡോയല്‍. ചികിത്സയ്‌ക്കിടെ ഇയാള്‍ ശുശ്രൂഷിച്ച ഡോക്ടറുടെ മുഖത്തടിക്കുകയും, വനിതാ ജീവനക്കാരെ പ്രതി അസഭ്യം പറയുകയുമായിരുന്നു. മെഡിക്കല്‍ കോളേജിലെ ഡോ. ഇര്‍ഫാന്‍ ഖാന്‍ സംഭവത്തില്‍ പരാതി നല്‍കിയതിനെ തുടര്‍ന്ന് പോലീസ് അറസ്റ്റ് ചെയ്തു.
ആശുപത്രിയിലെത്തിയത് മുതല്‍ അസ്വാഭാവികമായ നിലയിലായിരുന്നു ഡോയലിന്റെ പെരുമാറ്റം. ജീവനക്കാരോട് തട്ടിക്കയറിയ ഇയാള്‍ സെക്യൂരിറ്റി ജീവനക്കാരനെ തള്ളിമാറ്റി. ചികിത്സിക്കാനായി ഡോ. ഇര്‍ഫാന്‍ എത്തിയപ്പോള്‍ പ്രതി ആക്രമിക്കുകയും മുഖത്തടിക്കുകയുമായിരുന്നു. അതിന് ശേഷവും പ്രതി ആശുപത്രിക്കുള്ളില്‍ ബഹളം വെച്ചു. ഇതോടെ ആശുപത്രി ജീവനക്കാര്‍ വിവരമറിയിച്ചതിനെ തുടര്‍ന്ന് പോലീസെത്തി പ്രതിയെ കസ്റ്റഡിയിലെടുക്കുകയായിരുന്നു.
പ്രതികരിക്കാൻ ഇവിടെ എഴുതുക: