തിരുവനന്തപുരം: സിനിമ സെറ്റുകളില് ഷാഡോ പോലീസിങ് ഏര്പ്പെടുത്തിയതില് വളരെയധികം സന്തോഷമുണ്ടെന്ന് നിര്മ്മാതാവ് ജി. സുരേഷ് കുമാര്. വിഷയത്തില് ഫിലിം ചേബറിന്റെ പിന്തുണയുണ്ടാകുമെന്നും അദേഹം അറിയിച്ചു. കുറച്ചു പേര് സൃഷ്ടിക്കുന്ന പ്രശ്നങ്ങളുടെ പേരില് സിനിമയിലുള്ള എല്ലാരും ബുദ്ധിമുട്ടുന്ന അവസ്ഥ മാറണം. ഇത് നേരത്തെ നടപ്പാക്കണമായിരുന്നുവെന്നും അദേഹം പറഞ്ഞു.
കൊച്ചി സിറ്റി പോലീസ് കമ്മീഷണര് പറഞ്ഞത് രാവിലെ കേട്ടു. സെറ്റുകളിലെ ലഹരി ഉപയോഗം ഇനി വെച്ചുപൊറുപ്പിക്കാന് പറ്റില്ല. കുറച്ച് പ്രശ്നക്കാര് കാരണം എല്ലാവരും ചീത്തപ്പേര് കേള്ക്കുന്നു. ആ കുറച്ച് പേരെ മാറ്റിനിര്ത്തും. അങ്ങനെയുള്ളവര് സഹകരിക്കേണ്ടെന്നും അവര് വീട്ടിലിരിക്കട്ടെയെന്നും അദേഹം വ്യക്തമാക്കി.
ഇതുസംബന്ധിച്ചുള്ള വിവരങ്ങള് ലഭിച്ചാല് പോലീസിന് കൈമാറും. ആരൊക്കെയാണ് ലഹരി ഉപയോഗിക്കുന്നതെന്ന് നിര്മ്മാതാക്കള്ക്ക് അറിയാം. പോലീസിന്റെ പക്കലും കൃത്യമായ വിവരങ്ങളുണ്ട്. തത്കാലം നിര്മ്മാതാക്കള് പേരുകള് നല്കില്ല. എന്നാല് വേണ്ടി വന്നാല് കൊടുക്കുമെന്നും സുരേഷ് കുമാര് പറഞ്ഞു.
