ചെന്നൈ: ഐപിഎല്ലില്‍ എക്കാലത്തെയും വലിയ നാണക്കേടിന്റെ റിക്കാര്‍ഡ് സ്വന്തമാക്കി മുംബൈ ഇന്ത്യന്‍സ് നായകന്‍ രോഹിത് ശര്‍മ. ഇന്നലെ ചെന്നൈ സൂപ്പര്‍ കിങ്‌സിനെതിരായ പോരാട്ടത്തില്‍ വണ്‍ ഡൗണായി ഇറങ്ങിയിട്ടും പൂജ്യത്തിന് പുറത്തായതോടെ ഐപിഎല്‍ ചരിത്രത്തില്‍ ഏറ്റവും കൂടുതല്‍ തവണ പൂജ്യത്തിന് പുറത്താവുന്ന നായകനും കളിക്കാരനുമെന്ന റിക്കാര്‍ഡാണ് രോഹിത്തിന്റെ പേരിലായത്.
നായകനായ ശേഷം പതിനൊന്നാം തവണയാണ് രോഹിത് പൂജ്യത്തിന് പുറത്താകുന്നത്. 10 തവണ പൂജ്യത്തിന് പുറത്തായിട്ടുള്ള കൊല്‍ക്കത്ത നൈറ്റ് റൈഡേഴ്‌സ് നായകന്‍ ഗൗതം ഗംഭീറിന്റെ റിക്കാര്‍ഡാണ് രോഹിത് സ്വന്തം പേരിലാക്കിയത്.
ഇതിന് പുറമെ ഐപിഎല്ലില്‍ ഏറ്റവും കൂടുതല്‍ തവണ പൂജ്യത്തിന് പുറത്തായ ബാറ്റര്‍മാരിലും രോഹിത് ഒന്നാം സ്ഥാനത്തെത്തി. ചെന്നൈക്കെതിരെ പൂജ്യത്തിന് പുറത്തായത് രോഹിത്തിന്റെ ഐപിഎല്‍ കരിയറിലെ പതിനാറാമത് ഡക്കായിരുന്നു. 15 തവണ വീതം പൂജ്യത്തിന് പുറത്തായ കൊല്‍ക്കത്ത താരം സുനി
ല്‍ നരെയ്ന്‍, മുന്‍ പഞ്ചാബ് താരം മന്‍ദീപ് സിങ്, റോയല്‍ ചലഞ്ചേഴ്‌സ് ബാംഗ്ലൂര്‍ വിക്കറ്റ് കീപ്പര്‍ ദിനേശ് കാര്‍ത്തിക് എന്നിവരെയാണ് രോഹിത് മറികടന്നത്.
ഈ സീസണില്‍ 10 മത്സരങ്ങളില്‍ 20.44 ശരാശരിയില്‍ 184 റണ്‍സ് മാത്രമാണ് രോഹിത്തിന് നേടാനായത്. ഒരു അര്‍ധസെഞ്ചുറി മാത്രമാണ് ഈ സീസണില്‍ നേടാന്‍ കഴിഞ്ഞത്. ഉയര്‍ന്ന സ്‌കോര്‍ ആകട്ടെ 65 റണ്‍സും.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: