ഭോപ്പാല്‍: പ്രണയം നടിച്ച് യുവതികളെ മതംമാറ്റി ഭീകരസംഘടന ഐഎസിലേക്ക് എത്തിക്കുന്നതിന്റെ കഥ വിവരിക്കുന്ന ബോളിവുഡ് ചിത്രം ദ കേരള സ്റ്റോറിക്ക് നികുതിയിളവ് പ്രഖ്യാപിച്ച് മധ്യപ്രദേശ് സര്‍ക്കാര്‍. ബിജെപിയും വിവിദ സംഘടനകളും നേരത്തെ മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാനോട് ദ കേരള സ്‌റ്റോറി മധ്യപ്രദേശില്‍ നികുതി രഹിതമാക്കണമെന്ന് ആവശ്യപ്പെട്ടിരുന്നു. ഇതേത്തുടര്‍ന്ന് ചിത്രം സംസ്ഥാനത്ത് നികുതി രഹിതമാക്കിയെന്ന് മുഖ്യമന്ത്രി ശിവരാജ് സിങ് ചൗഹാന് ട്വീറ്റിലൂടെ വെളിപ്പെടുത്തി.
ദ കേരള സ്‌റ്റോറി സംസ്ഥാനത്ത് നികുതി രഹിതമാക്കണമെന്ന് ആവശ്യപ്പെട്ട് ബിജെപി സംസ്ഥാന മന്ത്രി രാഹുല്‍ കോത്താരി മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന് നേരത്തെ കത്തെഴുതിയിരുന്നു.ഭീകരവാദത്തിന്റെ ഭീകരമായ സത്യം തുറന്നുകാട്ടിയ ചിത്രമാണ് കേരള സ്‌റ്റോറി. മധ്യപ്രദേശില്‍ ചിത്രം ടാക്‌സ് ഫ്രീ ആക്കാന്‍ തീരുമാനിച്ചു എന്ന് ട്വിറ്റര്‍ വീഡിയോയില്‍ മുഖ്യമന്ത്രി വ്യക്തമാക്കി.
ദ കേരള സ്റ്റോറിക്ക് ദേശീയതലത്തില്‍ റെക്കോഡ് വരുമാനം ആണ്. ഏഴരക്കോടി രൂപയാണ് ഒരു ദിവസത്തെ കളക്ഷന്‍. ഇതേത്തുടര്‍ന്ന് കൂടുതല്‍ തിയെറ്ററുകളില്‍ ചിത്രം പ്രദര്‍ശനത്തിന് ഒരുങ്ങുകയാണ്.
പ്രതികരിക്കാൻ ഇവിടെ എഴുതുക: