ലക്നൗ: ഐ പി എല് കിരിക്കറ്റില് ഇന്ന് ലക്നൗ സൂപ്പര് ജയന്റ്സും റോയല് ചലഞ്ചേഴ്സ് ബാംഗ്ലൂരും ഏറ്റുമുട്ടും. രാത്രി 7:30 ന് ലക്നൗവിലെ അടല് ബിഹാരി വാജ്പേയി സ്റ്റേഡിയത്തിലാണ് മത്സരം.
കഴിഞ്ഞ ദിവസം മുംബൈ വാങ്കഡെ സ്റ്റേഡിയത്തില് നടന്ന മത്സരത്തില് രാജസ്ഥാന് റോയല്സിനെ മുംബൈ ഇന്ത്യന്സ് ആറ് വിക്കറ്റിന് പരാജയപ്പെടുത്തി. ഐപിഎല് ചരിത്രത്തിലെ 1000ാം മത്സരമായിരുന്നു ഇത്. മത്സരത്തിന് മുന്നോടിയായി ഇരു ടീമുകളുടെയും ക്യാപ്റ്റന്മാര്ക്ക് ബിസിസിഐ, ഐപിഎല് അധികൃതര് മെമന്റോകള് കൈമാറി. മുംബൈ ഇന്ത്യന്സ് വിജയലക്ഷ്യമായ 213 റണ്സ് 19.3 ഓവറില് 4 വിക്കറ്റ് നഷ്ടത്തില് മറികടന്നു. 62 പന്തില് 124 റണ്സ് നേടിയ രാജസ്ഥാന് റോയല്സിന്റെ യശസ്വി ജയ്സ്വാള് കളിയിലെ താരമായി.
ചെന്നൈയിലെ എം എ ചിദംബരം സ്റ്റേഡിയത്തില് നടന്ന മറ്റൊരു മത്സരത്തില് പഞ്ചാബ് കിംഗ്സ് ചെന്നൈ സൂപ്പര് കിംഗ്സിനെ നാല് വിക്കറ്റിന് പരാജയപ്പെടുത്തി. 201 റണ്സ് വിജയലക്ഷ്യം പിന്തുടര്ന്ന പഞ്ചാബ് അവസാന പന്തില് ആറ് വിക്കറ്റ് നഷ്ടത്തിലാണ് വിജയം കണ്ടത്്. 52 പന്തില് പുറത്താകാതെ 92 റണ്സ് നേടിയ ചെന്നൈ സൂപ്പര് കിങ്സ് ഓപ്പണര് ഡെവണ് കോണ്വേയാണ് കളിയിലെ താരം.
