കൊച്ചി: കേരളത്തിലെ യുവതീ യുവാക്കൾ മോദിയ്‌ക്കൊപ്പം അണി നിരന്നെന്ന് മുതിർന്ന കോൺഗ്രസ് നേതാവ് എ.കെ.ആന്‍റണിയുടെ മകൻ അനിൽ ആന്‍റണി. കേരളത്തില്‍ മോദിയ്‌ക്കെതിരെ ചോദ്യവുമായി ഡിവൈഎഫ് ഐ നടത്തുന്ന പരിപാടിയെ പരോക്ഷമായി സൂചിപ്പിച്ചുകൊണ്ടായിരുന്നു അനില്‍ ആന്‍റണിയുടെ ഈ കമന്‍റ്.
ഇനി കേരളത്തിലുള്ള മുഴുവൻ യുവജനങ്ങളും മോദിയ്‌ക്കൊപ്പം അണിനിരന്ന് അദ്ദേഹത്തിനായി പ്രവർത്തിക്കുമെന്ന് യുവം കോണ്‍ക്ലേവില്‍ പങ്കെടുക്കാനെത്തിയ അനിൽ ആന്‍റണി മാദ്ധ്യമങ്ങളോട് പറഞ്ഞു. യുവം പോലൊരു യൂത്ത് കോൺക്ലേവ് പ്രോത്സാഹിപ്പിക്കുന്നതിൽ സന്തോഷമുണ്ടെന്നും ഇത് വളരെ പ്രയാജനകരവും അത്യാവശ്യമാണെന്നുമായിരുന്നു നടി അപർണ ബാലമുരളിയുടെ പ്രതികരണം.
അടുത്ത ഏതാനും വർഷങ്ങൾക്കുള്ളിൽ ഇന്ത്യയെ ഒരു വികസിത രാജ്യമാക്കുക, രാജ്യാന്തര തലത്തിൽ ഇന്ത്യയെ ഒരു വിശ്വ ഗുരുവാക്കുക എന്നീ മോദിജിയുടെ സ്വപ്‌നങ്ങൾ സാക്ഷാത്കരിക്കാൻ കേരളത്തിലെ യുവതീയുവാക്കളും അദ്ദേഹത്തിനൊപ്പം അണിനിരക്കുമെന്നും അനിൽ ആന്‍റണി അഭിപ്രായപ്പെട്ടു.
ഉണ്ണി മുകുന്ദൻ, നടനും ഗായകനുമായ വിജയ് യേശുദാസ്, നവ്യ നായർ, ഗായകൻ ഹരിശങ്കർ എന്നിങ്ങനെ ഒട്ടേറെ പ്രശസ്തരെ യുവം സംവാദ വേദിയിലെത്തിക്കാന്‍ ബിജെപിയ്‌ക്ക് കഴിഞ്ഞതും വലിയ നേട്ടമായി. നടന്‍ സുരേഷ് ഗോപിയും എത്തിയിരുന്നു.
പ്രതികരിക്കാൻ ഇവിടെ എഴുതുക: