ന്യൂദല്‍ഹി : ദല്‍ഹി സാകേത് കോടതിയില്‍ വെടിവെയ്പ്പ്. അഭിഭാഷകന്റെ വേഷത്തിലെത്തിയ ആളാണ് വെടിയുതിര്‍ത്തത്. ഒരു സ്ത്രീക്ക് ഗുരുതരമായി പരിക്കേറ്റിട്ടുണ്ട്. ഇവരെ എയിംസ് ആശുപത്രിയിലേക്ക് മാറ്റി.
കോടതിയുടെ ചേമ്പറിലെത്തിയ അക്രമി നാല് റൗണ്ട് വെടിവച്ചെന്നാണ് റിപ്പോര്‍ട്ട്. പോലീസ് സ്ഥലത്ത് എത്തി പരിശോധിക്കുകയാണ്. അക്രമിയുടെ ഉദ്ദേശ്യം എന്തായിരുന്നുവെന്നത് അന്വേഷിച്ചു വരികയാണ്. കൊലപാതക ശ്രമം ആണെന്നാണ് വിലയിരുത്തല്‍.
സാമ്പത്തിക ക്രമക്കേടുമായി ബന്ധപ്പെട്ട കേസില്‍ വിചാരണയ്‌ക്കായി എത്തിയ സ്ത്രീക്കാണ് വെടിയേറ്റത്. സംഭവത്തെ തുടര്‍ന്ന് ദല്‍ഹി കോടതി വളപ്പിലെ സുരക്ഷ ശക്തമാക്കി. അടുത്തിടെ ദല്‍ഹി ദ്വാരകയില്‍ ബൈക്കിലെത്തിയ രണ്ടംഗ സംഘം അഭിഭാഷകനെ വെടിവെച്ച് കൊലപ്പെടുത്തി അതിന് ദിവസങ്ങള്‍ക്ക് പിന്നാലെയാണ് ഈ ആക്രമണം റിപ്പോര്‍ട്ട് ചെയ്തിരിക്കുന്നത്.
പ്രതികരിക്കാൻ ഇവിടെ എഴുതുക: