ന്യൂദല്‍ഹി: പ്രധാനമന്ത്രി നരേന്ദ്രമോദിയെ ആപ്പിള്‍ സിഇഒ ടിം കുക്ക് സന്ദര്‍ശിച്ചു. ഊഷ്മളമായ സ്വീകരണത്തിന് പ്രധാനമന്ത്രിക്ക് നന്ദി പറഞ്ഞ് ഇരുവരുമൊന്നിച്ചുള്ള ചിത്രം ടിം കുക്ക് ട്വിറ്ററില്‍ പങ്കുവെച്ചു.
ഇന്ത്യയുടെ ഭാവിയില്‍ സാങ്കേതികവിദ്യ സൃഷ്ടിക്കുന്ന നല്ല സ്വാധീനത്തെക്കുറിച്ചുള്ള നിങ്ങളുടെ കാഴ്ചപ്പാട് ഞങ്ങള്‍ പങ്കിടുന്നു. രാജ്യത്തുടനീളം വളരുന്നതിനും നിക്ഷേപം നടത്തുന്നതിനും ഞങ്ങള്‍ പ്രതിജ്ഞാബദ്ധരാണെന്നും ടിം കുക്ക് ട്വീറ്റില്‍ പറഞ്ഞു. കൂടിക്കാഴ്ചയില്‍ തികഞ്ഞ സന്തോഷമുണ്ടെന്ന് ടിം കുക്കിന്റെ ട്വീറ്റിന് മറുപടിയായി പ്രധാനമന്ത്രി പറഞ്ഞു.
വൈവിധ്യമാര്‍ന്ന വിഷയങ്ങളില്‍ കാഴ്ചപ്പാടുകള്‍ കൈമാറുന്നതിലും ഇന്ത്യയില്‍ നടക്കുന്ന സാങ്കേതിക വിദ്യാധിഷ്ഠിത പരിവര്‍ത്തനങ്ങളെ ഉയര്‍ത്തിക്കാണിക്കുന്നതില്‍ സന്തോഷമുണ്ടെന്നും പ്രധാനമന്ത്രി കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: