കോഴിക്കോട് :ഓമശ്ശേരിയില്‍ ഫര്‍ണിച്ചര്‍ ഷോപ്പില്‍ തീപിടിച്ചത്തില്‍ ഫര്‍ണീച്ചറുകള്‍ കത്തി നശിച്ചു. താമരശ്ശേരി റോഡില്‍ സബ്ഹാന്‍ ഫര്‍ണിച്ചര്‍ കടയിലാണ് തീപിടിത്തമുണ്ടായത്. ഞായറാഴ്ച ഉച്ചയ്‌ക്ക് 12 മണിയോടുകൂടിയായിരുന്നു സംഭവം.
ഫര്‍ണീച്ചറുകള്‍, തലയിണകള്‍ ഉള്‍പ്പെടെയുള്ളവ കത്തിനശിച്ചു. മൂന്ന് നിലകളിലായി പ്രവര്‍ത്തിക്കുന്ന ഫര്‍ണീച്ചര്‍ കടയുടെ താഴത്തെ നിലയിലെ ഗോഡൗണിലാണ് തീപിടിച്ചത്. മൂന്നാംനിലയില്‍ ജീവനക്കാരുണ്ടായിരുന്നെങ്കിലും ഫയര്‍ഫോഴ്സിന്റെ പെട്ടന്ന് എത്തിച്ചേര്‍ന്നതിനാല്‍ വലിയ ദുരന്തം ഒഴിവായി.
മുക്കത്തുനിന്ന് അഗ്‌നിശമന സേനയുടെ രണ്ട് യൂണിറ്റുകളെത്തിയാണ് തീയണച്ചത്. ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമികനിഗമനം.
പ്രതികരിക്കാൻ ഇവിടെ എഴുതുക: