ഡൊണാള്‍ഡ് ട്രംപ് കുറ്റവാളികളുടെ പട്ടികയില്‍: അശ്ലീല നടി ഡാനിയല്‍സിനും മോഡല്‍ മക്ഡൗഗലിനും പണം നല്‍കി

ന്യൂയോര്‍ക് :മുന്‍ പ്രസിഡന്റ് ഡൊണാള്‍ഡ് ട്രംപിനെ   കുറ്റാരോപിതരായ കൊലയാളികള്‍ക്കും ഭീകരമായ കുറ്റവാളികള്‍ക്കും ഒപ്പം ന്യൂയോര്‍ക്കിലെ കുപ്രസിദ്ധമായ ക്രിമിനല്‍ റെക്കോര്‍ഡ് ഡാറ്റാബേസില്‍ ഉള്‍പ്പെടുത്തി.

മാന്‍ഹട്ടന്‍ സുപ്രീം കോടതിയില്‍ കുറ്റാരോപിതനായ അഭൂതപൂര്‍വമായ വിചാരണയുടെ പശ്ചാത്തലത്തില്‍, 76കാരന്റെ കേസ് വിശദാംശങ്ങള്‍ ന്യൂയോര്‍ക്ക് സ്‌റ്റേറ്റ് യൂണിഫൈഡ് കോര്‍ട്ട് സിസ്റ്റത്തിലേക്ക് അപ്‌ലോഡ് ചെയ്തു.45ാമത് പ്രസിഡന്റിന്റെ പേര്, അദ്ദേഹം ജനിച്ച വര്‍ഷം, 34 ക്രിമിനല്‍ കേസുകള്‍ എന്നിവ ഓണ്‍ലൈന്‍ റെക്കോര്‍ഡ് പട്ടികപ്പെടുത്തുന്നു.

വിചാരണയ്‌ക്കിടെ മുന്‍ പ്രസിഡന്റ് നല്‍കിയ ‘കുറ്റക്കാരനല്ല’ എന്ന ഹര്‍ജിയും ഇതില്‍ രേഖപ്പെടുത്തിയിരിക്കുന്നു

ട്രംപിന്റെ വെബ് ക്രിംസ് ഡോക്കറ്റ് അദ്ദേഹത്തിനെതിരായ ആരോപണങ്ങളുടെ കൃത്യമായ സ്വഭാവം വെളിപ്പെടുത്തുന്നില്ല, എന്നാല്‍ 2016 ലെ പ്രസിഡന്റ് തിരഞ്ഞെടുപ്പിനെ നിയമവിരുദ്ധമായി സ്വാധീനിക്കാന്‍ ഗൂഢാലോചന നടത്തിയെന്ന് മാന്‍ഹട്ടന്‍ ഡിസ്ട്രിക്റ്റ് അറ്റോര്‍ണി ഓഫീസ് 16 പേജുള്ള കുറ്റപത്രത്തില്‍ ആരോപിച്ചു.

കാമ്പെയ്‌നിനിടെ ട്രംപിനെക്കുറിച്ചുള്ള നെഗറ്റീവ് വിവരങ്ങള്‍ പ്രചരിപ്പിക്കുന്നത് തടയാന്‍ ട്രംപും മറ്റുള്ളവരും തിരഞ്ഞെടുപ്പ് നിയമങ്ങള്‍ ലംഘിച്ചുവെന്ന് പ്രോസിക്യൂട്ടര്‍മാര്‍ ആരോപിക്കുന്നു  പോണ്‍ താരം സ്‌റ്റോമി ഡാനിയല്‍സും മുന്‍ പ്ലേബോയ് മോഡല്‍ കാരെന്‍ മക്ഡൗഗലും.ഉള്‍പ്പെടെ രണ്ട് സ്ത്രീകള്‍ക്ക് പണം നല്‍കിയതായും റെക്കോര്‍ഡില്‍ കാണാം.

താനും ട്രംപും ലൈംഗിക ബന്ധത്തില്‍ ഏര്‍പ്പെട്ടിരുന്നുവെന്നും ഇക്കാര്യം പുറത്ു പറയാതിരിക്കാന്‍   2016 ലെ തിരഞ്ഞെടുപ്പിന് മുമ്പ് ട്രമ്പിന്റെ അഭിഭാഷകനില്‍ നിന്ന് 130,000 ഡോളര്‍ വാങ്ങിയെന്നും ഡാനിയല്‍സ് അവകാശപ്പെടുന്നു. 2006 ജൂലൈയില്‍  ചാരിറ്റി ഗോള്‍ഫ് ടൂര്‍ണമെന്റില്‍ വച്ച് താന്‍ ട്രംപിനെ കണ്ടുമുട്ടിയതായും കാലിഫോര്‍ണിയയ്‌ക്കും നെവാഡയ്‌ക്കും ഇടയിലുള്ള റിസോര്‍ട്ട് ഏരിയയായ ലേക് താഹോയിലെ ഹോട്ടല്‍ മുറിയില്‍  ലൈംഗിക ബന്ധത്തില്‍ ഏര്‍പ്പെട്ടിരുന്നുവെന്നുമാണ് പറയുന്നത്.

2016 ല്‍, യുഎസ് പ്രസിഡന്റ് തിരഞ്ഞെടുപ്പിന് ദിവസങ്ങള്‍ക്ക് മുമ്പ്,  ട്രംപിന്റെ അഭിഭാഷകന്‍ മൈക്കല്‍ കോഹന്‍ ഈ ബന്ധത്തെക്കുറിച്ച് മിണ്ടാതിരിക്കാന്‍ തനിക്ക്1,30,000 ഡോളര്‍ ‘ഹഷ് മണി’ നല്‍കിയതായാണ് ് ഡാനിയല്‍സ് പറയുന്നത്.തന്റെ മകളുടെ മുന്നില്‍ വച്ച് തന്നെ ഭീഷണിപ്പെടുത്തിയെന്നും വെളിപ്പെടുത്താത്ത കരാറില്‍ ഒപ്പിടാന്‍ സമ്മര്‍ദ്ദം ചെലുത്തിയെന്നും ഡാനിയല്‍സ് പറഞ്ഞു. എഫ്ബിഐ ഏജന്റുമാര്‍ കോഹന്റെ ഓഫീസ് റെയ്ഡ് ചെയ്യ് ഡാനിയല്‍സിനുള്ള പണമടയ്‌ക്കല്‍ ഉള്‍പ്പെടെ നിരവധി കാര്യങ്ങളുമായി ബന്ധപ്പെട്ട ഇമെയിലുകളും നികുതി രേഖകളും ബിസിനസ് രേഖകളും പിടിച്ചെടുത്തു. ‘2016ലെ ഒരു സ്വകാര്യ ഇടപാടില്‍ സ്‌റ്റോമി ഡാനിയല്‍സിന് 130,000 ഡോളര്‍ നല്‍കാന്‍ എന്റെ സ്വന്തം ഫണ്ട് ഉപയോഗിച്ചു’  എന്ന് പിന്നീട് മൈക്കല്‍ കോഹന്‍ പറഞ്ഞു. മൈക്കല്‍ കോഹന്‍ പിന്നീട് ഒന്നിലധികം കുറ്റങ്ങള്‍ ചുമത്തി ജയിലിലായി.

2018 ജൂലൈ 12 ന്, ഒഹായോയിലെ കൊളംബസില്‍ വെച്ച് രഹസ്യാന്വേഷണ ഉദ്യോഗസ്ഥര്‍  സ്റ്റിംഗ് ഓപ്പറേഷനില്‍ ഡാനിയല്‍സിനെ അറസ്റ്റ് ചെയ്തതും വിവാദമായി. ഒഹായോ സ്ട്രിപ്പ് ക്ലബ് നിയമം ലംഘിച്ച് ക്ലബ് ഭാരവാഹികളെയും പോലീസ് ഉദ്യോഗസ്ഥരെയും ‘സ്‌നേഹിച്ചു’ എന്നതായിരുന്നു കുറ്റം. ഡാനിയല്‍സിനെ കൗണ്ടി ജയിലില്‍ അടച്ചപ്പോള്‍, അതേ ലംഘനങ്ങള്‍ ആരോപിച്ച് ക്ലബ്ബില്‍ അറസ്റ്റിലായ മറ്റ് രണ്ട് മുതിര്‍ന്ന വനിതാ ‘വിനോദകര്‍’ക്ക് കോടതിയില്‍ ഹാജരാകാന്‍ സമന്‍സ് നല്‍കുകമാത്രമാണ് ചെയ്തത്. അറസ്റ്റ്  രാഷ്‌ട്രീയ പ്രേരിതമാണെന്ന് ആരോപിച്ച് ഡാനിയല്‍സ് 2 മില്യണ്‍ നഷ്ടപരിഹാരം ആവശ്യപ്പെട്ട് കേസ് കൊടുത്തു.അറസ്റ്റിന്റെ ചുമതലയുള്ള വൈസ് സ്‌ക്വാഡിലെ പ്രധാന ഡിറ്റക്ടീവ് ഡൊണാള്‍ഡ് ട്രംപിന്റെ പിന്തുണക്കാരനാണെന്ന് പിന്നീട് വെളിപ്പെട്ടു. പെരുമാറ്റച്ചട്ടങ്ങള്‍ ലംഘിച്ചതിന് അറസ്റ്റില്‍ അഞ്ച് കൊളംബസ് പോലീസ് ഉദ്യോഗസ്ഥര്‍ക്ക് വകുപ്പുതല ശിക്ഷയും ലഭിച്ചു. ഡാനിയല്‍സിന് 450,000 ഡോളര്‍ നഷ്ടപരിഹാരം നല്‍കിയാണ് കേസ് അവസാനിപ്പിച്ചത്.

ഡൊണാള്‍ഡ് ട്രംപുമായി പ്രസിഡന്റാകുന്നതിന് മുമ്പ് 9 മാസം നീണ്ട ബന്ധം ആരോപിച്ച രണ്ടാമത്തെ വനിത  അമേരിക്കന്‍ മോഡലും നടിയുമായ കാരെന്‍ മക്ഡൗഗല്‍ ആണ്. വിവാഹിതനായ ഡൊണാള്‍ഡ് ട്രംപുമായി തനിക്ക് ബന്ധമുണ്ടെന്ന് കാരെന്‍ മക്ഡൗഗല്‍  സുഹൃത്തിനോട് പറഞ്ഞതായി 2016 നവംബറില്‍ ദി വാള്‍ സ്ട്രീറ്റ് ജേണല്‍ റിപ്പോര്‍ട്ട് ചെയ്തു. മക്ഡൗഗലിന്റെ കഥയുടെ  എക്‌സ്‌ക്ലൂസീവ് അവകാശങ്ങള്‍ക്കായി  നാഷണല്‍ എന്‍ക്വയറിന്റെ ഉടമയായ അമേരിക്കന്‍ മീഡിയ കമ്പനി മക്ഡൗഗലിന് 150,000 ഡോളര്‍ നല്‍കി. എന്നാല്‍ കഥ പ്രസിദ്ധീകരിച്ചില്ല. തെരഞ്ഞെടുപ്പ് വേളയില്‍ ട്രംപിനെതിരെ മോശം ആരോപണം ഉണ്ടാകുന്നത് തടയാനുള്ള ഗൂഡോലോചന അമേരിക്കന്‍ മീഡിയ കമ്പനി  നടത്തിയതെന്നായിരുന്നു ആരോപണം. നാഷണല്‍ എന്‍ക്വയറര്‍ യുഎസ് തിരഞ്ഞെടുപ്പ് നിയമങ്ങള്‍ ലംഘിച്ചുവെന്നും മക്ഡൗഗലിന് നല്‍കിയ 150,000 ഡോളര്‍ നിയമവിരുദ്ധമായ പ്രചാരണ സംഭാവനയാണെന്നും ഫഡറല്‍ ഇലക്ഷന്‍ കമ്മീഷന്‍ കണ്ടെത്തി. 187,500 പിഴചുമത്തിയെങ്കിലും ട്രംപിനെതിരെ കൂടുതല്‍ അന്വേഷണം നടത്താന്‍ കഴിഞ്ഞില്ല.