ഭോപാല്: രാഹുല്ഗാന്ധി കോണ്ഗ്രസിന്റെ രാഹു ആയി മാറിയിരിക്കുകയാണെന്നും അദ്ദേഹത്തിന്റെ രാജ്യത്തെക്കുറിച്ച് ഒരു ചുക്കുമറിയില്ലെന്നും മധ്യപ്രദേശ് മുഖ്യമന്ത്രി ശിവരാജ് സിങ്ങ് ചൗഹാന്. രാജ്യം സുവര്ണ്ണകാലമായ അമൃതകാലത്തിലൂടെ കടന്നുപോകുമ്പോള് കോണ്ഗ്രസ് രാഹുകാലത്തിലൂടെ കടന്നുപോവുകയാണെന്നും ശിവരാജ് സിങ്ങ് ചൗഹാന് ആരോപിച്ചു.
ഹിന്ദു ജ്യോതിഷപ്രകാരം രാഹു എന്നത് ദോഷകരമായ സ്വാധീനം കൊണ്ടുവരുന്ന ഗ്രഹമാണ്. രാജ്യത്തെക്കുറിച്ചോ അതിന്റെ നയങ്ങളെക്കുറിച്ചോ രാഹുല്ഗാന്ധിയ്ക്ക് ഒന്നും അറിയില്ല. രാജ്യം വാചകമടിയാലല്ല, ഭരണഘടനയുടെ അടിസ്ഥാനത്തിലാണ് പ്രവര്ത്തിക്കുന്നത്. കോണ്ഗ്രസ് രാജ്യത്തിന് ഒരു പ്രശ്നമാണ്. രാഹുല്ഗാന്ധി കോണ്ഗ്രസിന് തന്നെ പ്രശ്നമാണ്. – ശിവരാജ് സിങ്ങ് ചൗഹാന് പറഞ്ഞു.
നെഹ്രു-ഗാന്ധി കുടുംബത്തിലല്ലായിരുന്നെങ്കില് എന്താകുമായിരുന്നു രാഹുല് ഗാന്ധിയുടെ സ്ഥിതി. കോണ്ഗ്രസ് നേതാക്കള് ഗാന്ധി കുടുംബത്തിന്റെ അടിമകളായി മാറി. ഏറ്റവും ദുര്ബലനും നിരുത്തരവാദിയും അഹങ്കാരിയും പരാജിതനും അശ്രദ്ധനുമായ രാഹുല് ഗാന്ധിയെ ദേശീയ നേതാവായി ഉയര്ത്താന് കോണ്ഗ്രസ് നേതാക്കള് ശ്രമിക്കുകയാണ്. – ശിവരാജ് സിങ്ങ് ചൗഹാന് കുറ്റപ്പെടുത്തി.
