പത്തനംതിട്ട: ജനറല്‍ ആശുപത്രിയിലെ ഡോക്ടര് വാടക വീട്ടില്‍ ആത്മഹത്യ ചെയ്ത നിലയില്‍. തിരുവനന്തപുരം കൈമനം സ്വദേശി ഡോ. ജി ഗണേശ് കുമാറിനെയാണ് പുന്നലത്ത് പടിയിലുള്ള വാടക വീട്ടില്‍ തൂങ്ങി മരിച്ച നിലയില്‍ കണ്ടെത്തിയത്. ജനറല്‍ ആശുപത്രി കാഷ്വാലിറ്റി വിഭാഗം മെഡിക്കല്‍ ഓഫീസറാണ്. മൂന്നു വര്‍ഷമായി ജനറല്‍ ആശുപത്രിയിലുണ്ട്.
വാടക വീട്ടില്‍ രാവിലെ സുഹൃത്ത് പ്രഭാത ഭക്ഷണവുമായി എത്തിയപ്പോള്‍ വാതില്‍ അടച്ചിട്ടിരിക്കയായിരുന്നു. ഏറെ നേരമായിട്ടും കതക് തുറക്കാഞ്ഞതിനെ തുടര്‍ന്ന് കെട്ടിട ഉടമയെ വിവരം അറിയിക്കയായിരുന്നു. വിവരം പോലിസില്‍ അറിയിച്ചതിനെ തുടര്‍ന്ന് അവര്‍ എത്തിയാണ് കതക് തുറന്നത്. മഷിയില്‍ കൈമുക്കി ഭിത്തിയില്‍ പതിപ്പിച്ചിട്ടുള്ളതിനൊപ്പം തോറ്റു പോയി, എല്ലാ അര്‍ത്ഥത്തിലും എന്ന് എഴുതിവച്ചിട്ടുമുണ്ട്.
ചൊവ്വാഴ്ച രാത്രി 10 വരെ പ്രമാടത്ത് ഗ്രൗണ്ടില്‍ കൂട്ടുകാര്‍ക്കൊപ്പം ഫുട്ബാള്‍ കളിക്കാനുണ്ടായിരുന്നു. ഇതിന് ശേഷമാണ് വാടക വീട്ടില്‍ എത്തിയത്. ഭാര്യയും ബന്ധുക്കളും എത്തിയ ശേഷമാണ് മൃതദേഹം താഴെയിറക്കിയത്. പോലീസ് മേല്‍ നടപടികള്‍ സ്വീകരിച്ചു.
പ്രതികരിക്കാൻ ഇവിടെ എഴുതുക: