ന്യൂദല്ഹി : ലക്ഷദ്വീപ് എംപി മുഹമ്മദ് ഫൈസലിന്റെ അയോഗ്യത ലോക്സഭാ സെക്രട്ടറിയേറ്റ് പിന്വലിച്ചു. എംപി സ്ഥാനം പുനസ്ഥാപിക്കണമെന്നാവശ്യപ്പെട്ട് മുഹമ്മദ് ഫൈസല് നല്കിയ ഹര്ജി സുപ്രീംകോടതി ഇന്ന് പരിഗണിക്കാനിരിക്കേ അടിയന്തിര ഉത്തരവിറക്കുകയായിരുന്നു.
മുഹമ്മദ് ഫൈസലിനെതിരായ വധശ്രമക്കേസില് ഇയാള് കുറ്റക്കാരനെന്ന വിചാരണക്കോടതി വിധി ഹൈക്കോടതി റദ്ദാക്കിയിരുന്നു. അതിനാല് എംപി സ്ഥാനത്തുനിന്ന് അയോഗ്യനാക്കിയ ലോക്സഭ സെക്രട്ടറിയേറ്റ് വിജ്ഞാപനം പിന്വലിക്കണമെന്ന് മുഹമ്മദ് ഫൈസല് നല്കിയ അപേക്ഷയിന്മേലാണ് നടപടി.
എംപി സ്ഥാനം പുനസ്ഥാപിക്കണമെന്നാവശ്യപ്പെട്ട് ജസ്റ്റിസ് കെ.എം. ജോസഫ് അധ്യക്ഷനായ ബെഞ്ചിന് മുന്നില് ചൊവ്വാഴ്ച ഹര്ജി എത്തിയെങ്കിലും ഇന്നത്തേക്ക് മാറ്റുകയായിരുന്നു. ഫൈസലിന്റെ കുറ്റവും ശിക്ഷാനടപടിയും സ്റ്റേ ചെയ്ത ഹൈക്കോടതി വിധിക്കെതിരെ ലക്ഷ്വദ്വീപ് ഭരണസമിതി നല്കിയ ഹര്ജിയും പരിഗണനയ്ക്ക് എത്തുന്നുണ്ട്.
