മുംബൈ: ജോസ് ആലുക്കാസ് ജ്വല്ലറി ഗ്രൂപ്പിന്റെ പാന്‍ ഇന്ത്യന്‍ അംബാസഡറായി നടന്‍ ആര്‍. മാധവന്‍ ചുമതല ഏറ്റെടുത്തു. കീര്‍ത്തി സുരേഷ് തുടരും. ഇരുവരും ബ്രാന്‍ഡ് അംബാസഡര്‍മാരായ കരാര്‍ മുംബൈയില്‍ ഒപ്പുവച്ചു.
പാന്‍ ഇന്ത്യയില്‍ ധൃതഗതിയില്‍ വളരാന്‍ പദ്ധതിയിടുന്ന ജോസ് ആലുക്കാസ് ബ്രാന്‍ഡ് ഫിലോസഫിയുടെ ആശയം രാജ്യമൊട്ടാകെ വ്യാപിപ്പിക്കുന്നതിനാണ് മാധവനെ തിരഞ്ഞെടുത്തതെന്നും സ്വര്‍ണത്തിലും ഡയമണ്ടിലുമുള്ള തങ്ങളുടെ ബ്രാന്‍ഡുകളെ കീര്‍ത്തി സുരേഷ് തുടര്‍ന്നും പ്രതിനിധീകരിക്കുമെന്നും ചെയര്‍മാന്‍ ജോസ് ആലുക്ക അറിയിച്ചു. മാനേജിങ് ഡയറക്ടര്‍മാരായ വര്‍ഗീസ് ആലുക്ക, പോള്‍ ജെ. ആലുക്ക, ജോണ്‍ ആലുക്ക എന്നിവര്‍ മാധവനും കീര്‍ത്തിയുമായുള്ള കരാര്‍ കൈമാറി.
പ്രതികരിക്കാൻ ഇവിടെ എഴുതുക: