ന്യൂദല്‍ഹി: രാഹുല്‍ ഗാന്ധിയെ പാര്‍ലമെന്‍റില്‍ നിന്നല്ല, ഇന്ത്യയില്‍ നിന്നു തന്നെ പുറത്താക്കുകയാണ് വേണ്ടതെന്ന് അഭിപ്രായപ്പെട്ട് ബിജെപി എംപി പ്രഗ്യാ താക്കൂര്‍.
വിദേശ സ്ത്രീക്ക് ജനിച്ച മകന് ദേശസ്നേഹിയാകാന്‍ ഒരിയ്‌ക്കലും കഴിയില്ലെന്ന് ചാണക്യന്‍ പറഞ്ഞത് രാഹുല്‍ ഗാന്ധി തെളിയിച്ചിരിക്കുകയാണെന്നും അവര്‍ ആരോപിച്ചു. ഇന്ത്യയില്‍ ജനാധിപത്യം അപകടാവസ്ഥയിലാണെന്നും പാര്‍ലമെന്‍റില്‍ പ്രതിപക്ഷം സംസാരിക്കുമ്പോള്‍ മൈക്ക് ഓഫാക്കുന്ന സ്ഥിതിയുണ്ടെന്നുമായിരുന്നു രാഹുല്‍ ഗാന്ധി ലണ്ടനിലെ കേംബ്രിഡ്ജ് സര്‍വ്വകലാശാലയില്‍ പ്രസംഗിച്ചത്.
രാഹുല്‍ വിദേശത്ത് പോയി ഇന്ത്യയെ പരിഹസിച്ചതിലും വലിയ നാണക്കേട് വരാനില്ലെന്നും രാഹുലിനൊപ്പം രാഷ്‌ട്രീയത്തില്‍ ഇടം നല്‍കാതെ രാജ്യത്ത് നിന്ന് തന്നെ പുറത്താക്കുകയാണ് വേണ്ടതെന്നും പ്രഗ്യ താക്കൂര്‍ എംപി പറഞ്ഞു. രാഹുലിന്റെ അമ്മ ഇറ്റലിക്കാരിയായത് കൊണ്ട് തന്നെ രാഹുല്‍ ഇന്ത്യക്കാരനല്ലെന്നും പ്രഗ്യതാക്കൂര്‍ ആരോപിച്ചു.
പ്രതികരിക്കാൻ ഇവിടെ എഴുതുക: