തിരുവനന്തപുരം: ഇന്ത്യന്‍ വ്യോമസേനയില്‍ അഗ്‌നിവീറാകാന്‍ ഉദ്യോഗാര്‍ഥികള്‍ക്ക് അവസരം. ഓണ്‍ലൈന്‍ അപേക്ഷയ്‌ക്കുള്ള രജിസ്ട്രേഷന് 17 മുതല്‍ 31 വരെ. കേരളം, മാഹി (പുതുച്ചേരി), ലക്ഷദ്വീപ് നിന്നുള്ളവര്‍ക്ക് https://agnipathvayu.cdac.in എന്ന വെബ്‌സൈറ്റില്‍ പേര് രജിസ്റ്റര്‍ ചെയ്യാം.
2002 ഡിസംബര്‍ 26നും 2006 ജൂണ്‍ 26നും ഇടയില്‍ ജനിച്ചവരാകണം (രണ്ട് ദിവസവും ഉള്‍പ്പെടെ). എന്റോള്‍ ചെയ്യുമ്പോള്‍ ഉയര്‍ന്ന പ്രായപരിധി 21 വയസ്. വിശദമായ വിജ്ഞാപനം https://Agnipathvayu.cdac.in, https://careerindianairforce.cdac.in എന്നീ വെബ്സൈറ്റുകളില്‍ ലഭ്യമാണ്.
ആര്‍മി അഗ്‌നിവീറിന്റെ ഓണ്‍ലൈന്‍ രജിസ്ട്രേഷന് 20 വരെ നീട്ടി. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം എന്നീ ജില്ലകളിലെ പുരുഷ ഉദ്യോഗാര്‍ഥികള്‍ക്കായി ജനറല്‍ ഡ്യൂട്ടി, അഗ്‌നിവീര്‍ ടെക്‌നിക്കല്‍, അഗ്‌നിവീര്‍ ട്രേഡ്‌സ്മാന്‍ (എട്ടാം ക്ലാസ്, 10-ാം ക്ലാസ്) അഗ്‌നിവീര്‍ ക്ലര്‍ക്ക്/സ്‌റ്റോര്‍ കീപ്പര്‍ ടെക്‌നിക്കല്‍ എന്നീ വിഭാഗങ്ങള്‍ക്കായാണ് ഓണ്‍ലൈന്‍ പ്രവേശന പരീക്ഷയും റിക്രൂട്ട്‌മെന്റ് റാലിയും നടത്തുന്നത്.
പ്രതികരിക്കാൻ ഇവിടെ എഴുതുക: