തൃശൂര്‍ : തൃശൂര്‍ കുട്ടനല്ലൂരിലെ കാര്‍ ഷോറൂമില്‍ വന്‍ തീപിടിത്തം. വാഹനങ്ങള്‍ കത്തി നശിച്ചു. ആറോളം ഫയര്‍ഫോഴ്‌സ് യൂണിറ്റുകള്‍ സ്ഥലത്തെത്തിയാണ് തീ അണയ്‌ക്കാനായത്. സര്‍വീസ് സെന്ററില്‍ നിന്നാണ് ആദ്യം തീപിടിത്തമുണ്ടായതെന്നാണ് സംശയിക്കുന്നത്.
ശനിയാഴ്ച രാവിലെ ആറ് മണിക്ക് ഹൈസണ്‍ മോട്ടോര്‍ ഷോറൂമിലാണ് സംഭവം. തീപിടിത്തമുണ്ടായ സമയം ഷോറൂമില്‍ ഒരു സെക്യൂരിട്ടി ജീവനക്കാരന്‍ മാത്രമാണ് ഉണ്ടായിരുന്നത്. ഉടന്‍ തന്നെ വിവരം അറിയിച്ചതിനാല്‍ മറ്റ് വാഹനങ്ങള്‍ സ്ഥലത്തു നിന്നും മാറ്റാനും ഫയര്‍ഫോഴ്‌സ് പെട്ടന്ന് തന്നെ തീ അണയ്‌ക്കാനുള്ള നടപടിയും കൈക്കൊണ്ടു.
അതേസമയം സര്‍വീസ് സെന്റര്‍ കത്തിനശിച്ചു. വാഹനങ്ങളുടെ സര്‍വീസിനും മറ്റുമായി ഉപയോഗിക്കുന്ന ഓയിലുകള്‍ നിലത്ത് പരന്നു കിടന്നതിനാല്‍ ഇത് തീ പടരാനും കാരണമായി. എത്ര വാഹനങ്ങള്‍ കത്തിനശിച്ചുവെന്നത് വ്യക്തമായിട്ടില്ല. രണ്ട് മണിക്കൂര്‍ നീണ്ട പരിശ്രമത്തിനൊടുവില്‍ തീ പൂര്‍ണമായും അണച്ചു.
പ്രതികരിക്കാൻ ഇവിടെ എഴുതുക: