കൊച്ചി: വിമാനത്തിലെ ടോയ്‌ലറ്റില്‍ സിഗരറ്റ് വലിച്ച 62കാരന്‍ അറസ്റ്റില്‍. ദുബായില്‍ നിന്ന് കൊച്ചിയിലേയ്‌ക്ക് വരികയായിരുന്ന സ്‌പൈസ് ജെറ്റ് എയര്‍വേയ്‌സ് എസ് ജി 17 വിമാനത്തിനുള്ളില്‍ ഞായറാഴ്ചയായിരുന്നു സംഭവം. തൃശൂര്‍ മാള സ്വദേശി സുകുമാരന്‍ ആണ് അറസ്റ്റിലായത്.
ഞായറാഴ്ച രാത്രി കൊച്ചിയില്‍ വിമാനമിറങ്ങിയ സുകുമാരനെ കൊച്ചി എയര്‍പോര്‍ട്ട് സെക്യൂരിറ്റി ഓഫീസറുടെ പരാതിപ്രകാരം നെടുമ്പാശേരി പോലീസ് അറസ്റ്റ് ചെയ്യുകയായിരുന്നു. വിമാനം പറക്കുന്നതിനിടെ ടോയ്‌ലറ്റില്‍ നിന്ന് പുക ഉയരുന്നത് കണ്ടതോടെയാണ് ജീവനക്കാര്‍ വിവരമറിയുന്നത്. പിന്നാലെ ഇയാളെ തടയുകയും ചെയ്തു. തുടര്‍ന്ന് വിമാനം കൊച്ചിയിലിറങ്ങിയപ്പോള്‍ ജീവനക്കാര്‍ എയര്‍പോര്‍ട്ട് സെക്യൂരിറ്റി ഓഫീസറെ വിവരമറിയിക്കുകയായിരുന്നു.
ഇയാളില്‍ നിന്ന് സിഗരറ്റുകളും ലൈറ്ററും കണ്ടെടുത്തു. പ്രതിക്കെതിരെ കേസെടുത്ത പോലീസ് പിന്നീട് ജാമ്യത്തില്‍ വിട്ടയച്ചു.
പ്രതികരിക്കാൻ ഇവിടെ എഴുതുക: