ന്യൂദല്ഹി: കോണ്ഗ്രസ് നേതാവ് രാഹുല് ഗാന്ധി പപ്പുവല്ലെന്നും സ്മാര്ട്ടായ വ്യക്തിയാണെന്നും കോണ്ഗ്രസ് അനുഭാവിയായ സാമ്പത്തിക വിദഗ്ധന് രഘുറാം രാജന്. ദാവോസില് സാമ്പത്തിക സമ്മേളത്തില് സംസാരിക്കുകയായിരുന്നു അദ്ദേഹം.
രാഹുലിനെക്കുറിച്ച് ഇത്തരം ഒരു പ്രചരണം നടക്കുന്നുണ്ട്. ഇത് അങ്ങേയറ്റം ഖേദകരമാണ്. രാഹുലുമായി ഒരു പതിറ്റാണ്ടിന്റെ ബന്ധമുണ്ട്. ഒരിക്കലും അദ്ദേഹം പപ്പുവല്ല. സ്മാര്ട്ടായ വ്യക്തിയാണെന്നാണ് തനിക്ക് മനസിലായിട്ടുള്ളതെന്ന് രഘുറാം രാജന് പറഞ്ഞു.
മുന്ഗണനകളെ കുറിച്ച് എല്ലാവര്ക്കും ധാരണയുണ്ടായിരിക്കണം. വെല്ലുവിളികളെ മനസിലാക്കാനും അതിന്റെ തീവ്രത അളക്കാനും സാധിക്കണം. ഇത് ചെയ്യാന് രാഹുല് ഗാന്ധി നല്ല കഴിവുണ്ടെന്നും അദ്ദേഹം പറഞ്ഞു.
അതുവരെ നിഷ്പക്ഷമതിയായ സാമ്പത്തിക വിദഗ്ധന് എന്ന് കരുതിയിരുന്നെങ്കിലും രഘുറാം രാജന് രാഹുല് ഗാന്ധി നയിച്ച ഭാരത് ജോഡോ യാത്രയില് പരസ്യമായി പങ്കെടുക്കുകയും രാഹുല്ഗാന്ധിയോടൊപ്പം നടക്കുകയും ചെയ്തു.
