കോഴിക്കോട്: സംസ്ഥാന സ്കൂള് കലോത്സവത്തിന്റെ സ്വാഗതഗാനത്തില്‍ അവതരിപ്പിച്ച ദൃശ്യവിഷ്‌കാരത്തില്‍ ഭീകരനായി അവതരിപ്പിക്കപ്പെട്ട കലാകാരന്റെ വസ്ത്രം ഇസ്ലാമികമാണെന്നത് വിവാദമായതോടെ ജീവന് ഭീഷണിയുണ്ടെന്ന് പേരാമ്പ്ര മാതാ കലാകേന്ദ്രം ഡയറക്ടര്‍ കനകദാസ്. കലോത്സവത്തിന് ശേഷം ദൃശ്യാവിഷ്‌കാരം വിവാദമാക്കിയത് ബോധപൂര്‍വ്വമാണ്. പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് ആണ് സംഭവം വിവാദമാക്കിയതെന്നും കനകദാസ് ആരോപിച്ചു. തന്റെ ചിത്രങ്ങളടക്കം സാമൂഹിക മാധ്യമങ്ങളില്‍ ചിലര്‍ പ്രചരിപ്പിക്കുന്നുണ്ടെന്നും കനകദാസ് മാധ്യമങ്ങളോട് പറഞ്ഞു.
സാമൂഹിക മാധ്യമങ്ങളില്‍ ഫോട്ടോ പ്രചരിക്കുന്നതിനാല്‍ ജീവന് ഭീഷണിയുണ്ടെന്ന് പൊലീസ് മുന്നറിയിപ്പുണ്ടെന്നും കനകദാസ് പറഞ്ഞു. വിദ്യാഭ്യാസ മന്ത്രി വി ശിവന്‍കുട്ടി പ്രഖ്യാപിച്ച അന്വേഷണത്തില്‍ ഭയമില്ലെന്നും എല്ലാം പരിശോധിക്കട്ടെ. വിവാദമാക്കിയതിന് പിന്നിലെ ലക്ഷ്യം എന്താണെന്ന് മനസിലാകുന്നില്ല. ഭയം തോന്നുന്നുണ്ട്. തനിക്ക് സംഘപരിവാറുമായി ഒരു ബന്ധമുമില്ല, മറിച്ച് സിപിഎം നേതാക്കളുമായാണ് അടുപ്പം. സിപിഎം പാര്‍ട്ടി കോണ്‍ഗ്രസലൊക്കെ പരിപാടി അവതരിപ്പിച്ചിട്ടുണ്ടെന്നും കനകദാസ് വ്യക്തമാക്കി.
പ്രതികരിക്കാൻ ഇവിടെ എഴുതുക: