തിരുവനന്തപുരം: രഞ്ജി ട്രോഫി ക്രിക്കറ്റില് ഛത്തീസ്ഗഡിനെതിരെ കേരളം ശക്തമായ നിലയില്. ആദ്യം ബാറ്റ് ചെയ്ത് 149 റണ്സെടുത്ത ഛത്തീസ്ഗഡിനെതിരെ ആദ്യ ദിനം കളിനിര്ത്തുമ്പോള് കേരളം രണ്ട് വിക്കറ്റ് നഷ്ടത്തില് 100 റണ്സില്. എട്ട് വിക്കറ്റ് ശേഷിക്കെ 49 റണ്സ് മാത്രം പിന്നില്. രോഹന് പ്രേമും (29) സച്ചിന് ബേബിയുമാണ് (11) ക്രീസില്.
ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഛത്തീസ്ഗഡിനെ കേരള ബൗളര്മാര് പിടിച്ചുകെട്ടി. 48 റണ്സിന് അഞ്ചു വിക്കറ്റെടുത്ത ജലജ് സക്സേനയാണ് കേരളത്തിന്റെ പോരാട്ടം നയിച്ചത്. സച്ചിന് ബേബിയും വൈശാഖ് ചന്ദ്രനും രണ്ടു വീതവും എന്.പി. ബേസില് ഒന്നും വിക്കറ്റെടുത്തു. ചത്തീസ്ഗഡിന്റെ ടോപ് സ്കോറര് ക്യാപ്റ്റന് ഹര്പ്രീത് സിങ് (40). കേരളത്തിനായി രോഹന് കുന്നുമ്മലും (31), പി. രാഹുലും (24) മികച്ച തുടക്കമാണ് നല്കിയത്.
