ദോഹ: ഫ്രാന്‍സിനെ പെനാല്‍റ്റി ഷൂട്ടൗട്ടില്‍ തോല്‍പിച്ചശേഷം മൈതാനത്ത് ഉലാത്തുന്ന മെസ്സിയുടെ അരികിലേക്ക് അമ്മ ഓടിയെത്തിയ നിമിഷം അതീവ വൈകാരികമുഹൂര്‍ത്തങ്ങള്‍ക്ക് സാക്ഷ്യം വഹിച്ചു. മെസ്സിയും അമ്മയും കണ്ടുമുട്ടിയ നിമിഷം ഇപ്പോള്‍ സമൂഹമാധ്യമങ്ങളില്‍ വൈറലാണ്.
ഫൈനല്‍ നടന്ന മൈതാനത്ത് അമ്മ മെസ്സിയെ കണ്ടുമുട്ടുന്ന വൈറല്‍ വീഡിയോ:
മെസ്സിയുടെ അരികിലേക്ക് പിന്നിലൂടെ ഓടിയെത്തുന്ന അമ്മ സിലിയ മരിയ കുക്സിട്ടിനിയെ കാണാം. അമ്മ അടുത്തെത്തിയതറിഞ്ഞ് മെസ്സി തിരിഞ്ഞ് അമ്മയെ ആലിംഗനം ചെയ്യുന്നത് കാണാം. പിന്നീട് ഇരുവരും കുറേ നിമിഷങ്ങള്‍ ആലിംഗനബദ്ധരായി നില്‍ക്കുന്ന വീഡിയോ മെസ്സി ആരാധകര്‍ക്ക് അവിസ്മരണീയ ജീവിത മുഹൂര്‍ത്തമാണ് സമ്മാനിച്ചത്.
മെസ്സി അമ്മയുടെ മുതുകില്‍ തലോടുന്നതും മെസ്സിയുടെ അമ്മ മകന്റെ സ്നേഹത്തില്‍ വിങ്ങുന്നതും കാണം. മെസ്സിയുടെ മാതൃസ്നേഹത്തിന്റെ ദൃഷ്ടാന്തവും അമ്മ-മകന്‍ ബന്ധത്തിന്റെ ആഴവും ഈ വീഡിയോയില്‍ കാണാം.
പ്രതികരിക്കാൻ ഇവിടെ എഴുതുക: