ന്യൂദല്‍ഹി: വീണ്ടും പലിശനിരക്ക് ഉയര്‍ത്താന്‍ തീരുമാനിച്ച് റിസര്‍വ്വ് ബാങ്ക്. റിസര്‍വ്വ് ബാങ്ക് ബാങ്കുകള്‍ക്ക് നല്‍കുന്ന വായ്പയുടെ പലിശനിരക്കായ റിപോ നിരക്ക് 35 ബേസിസ് പോയിന്‍റാണ് ഉയര്‍ത്തിയത്.
ഇതോടെ റിപോ നിരക്ക് 6.25 ശതമാനമായി. നാണ്യപ്പെരുപ്പം ഉയര്‍ന്ന് നില്‍ക്കുന്നതിലാണ് ഈ നടപടിയെന്ന് റിസര്‍വ്വ് ബാങ്ക് ഗവര്‍ണര്‍ ശക്തികാന്ത ദാസ് പറഞ്ഞു. നാണ്യപ്പെരുപ്പം പിടിച്ചു നിര്‍ത്താന്‍ പണലഭ്യത കുറയ്‌ക്കുക എന്ന ലക്ഷ്യത്തോടെയാണ് ഈ നീക്കം. ഇതോടെ ബാങ്കുകള്‍ സ്ഥിരനിക്ഷേപത്തിനുള്ള പലിശനിരക്ക് വീണ്ടും വര്‍ധിപ്പിക്കും. പക്ഷെ ഭവന, വാഹന, വ്യക്തിഗത വായ്പാ പലിശനിരക്കുകള്‍ വര്‍ധിക്കും.
നാണ്യപ്പെരുപ്പ് സുരക്ഷിതമായ ആറ് ശതമാനം എന്ന നിലയില്‍ നിന്നും ഉയരത്തിലാണ് ഇപ്പോഴും. ഉക്രൈന്‍-റഷ്യയുദ്ധം തീര്‍ത്ത സാമ്പത്തിക പ്രതിസന്ധി, മാന്ദ്യത്തില്‍ നിന്നും രക്ഷനേടാന്‍ അമേരിക്ക ഡോളറിന്റെ പലിശ നിരക്ക് വര്‍ധിപ്പിച്ചത് എന്നിവയെല്ലാം ഇന്ത്യയ്‌ക്കും തിരിച്ചടികള്‍ നില്‍കിയിരിക്കുകയാണ്. റിസര്‍വ്വ് ബാങ്ക് വളര്‍ച്ചാ നിരക്ക് 7 ശതമാനത്തില്‍ നിന്നും 6.8 ശതമാനമാക്കി താഴ്തിയിരിക്കുകയാണ്.
എങ്കിലും കഴിഞ്ഞ ദിവസം ലോകബാങ്ക് ഇന്ത്യയുടെ വളര്‍ച്ചാനിരക്ക് 6.4 ശതമാനത്തില്‍ നിന്നും 6.9 ശതമാനത്തിലേക്ക് ഉയര്‍ത്തിയത് ആത്മവിശ്വാസം നല്‍കിയിട്ടുണ്ട്.
പ്രതികരിക്കാൻ ഇവിടെ എഴുതുക: