തിരുവനന്തപുരം: ഖാദി ബോര്‍ഡ് ചെയര്‍മാനും സിപിഎം നേതാവുമായ പി.ജയരാജന് ബുളളറ്റ് പ്രൂഫ് കാര്‍ വാങ്ങാന്‍ സര്‍ക്കാര്‍ അനുമതി. 35 ലക്ഷം രൂപയുടെ ബുളളറ്റ് പ്രൂഫ് കാര്‍ ആണ് ജയരാജനായി വാങ്ങുന്നത്. പി ജയരാജന്റെ ശാരീരിക അവസ്ഥ പരിഗണിച്ചാണ് കാര്‍ വാങ്ങാന്‍ അനുമതി നല്‍കിയതെന്ന് സര്‍ക്കാര്‍ വാദം. പുതിയ വാഹനങ്ങള്‍ വാങ്ങരുതെന്ന് ചീഫ് സെക്രട്ടറി നവംബര്‍ 4 ന് ഉത്തരവിറക്കിയതിന് പിന്നാലെയാണ് പുതിയ ഉത്തരവ്. കാര്‍ വാങ്ങുന്നത് സംബന്ധിച്ച് വ്യവസായ വകുപ്പ് ഈ മാസം 17ന് ഉത്തരവിറക്കി. സാമ്പത്തിക പ്രതിസന്ധി മൂലമാണ് പുതിയ വാഹനങ്ങള്‍ വാങ്ങരുതെന്ന് ചീഫ് സെക്രട്ടറി ഉത്തരവിട്ടത്. പുതിയ വാഹനങ്ങള്‍ വാങ്ങരുത് എന്നതുള്‍പ്പെടെ നവംബര്‍ 9 ന് ധനവകുപ്പ് ഒരു വര്‍ഷത്തേക്ക് കൂടി സാമ്പത്തിക നിയന്ത്രണങ്ങള്‍ നീട്ടി ഉത്തരവിറക്കുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക