പാലക്കാട് : നിക്ഷേത്തട്ടിപ്പ് നടത്തിയെന്ന് ആരോപിച്ച് പോലീസുകാരനെതിരെ കേസെടുത്തു. ഒറ്റപ്പാലം സ്‌റ്റേഷനിലെ പോലീസുകാരന്‍ രവി ശങ്കറിനെതിരെയാണ് പരാതി ഉയര്‍ന്നിരിക്കുന്നത്. ഷെയര്‍ മാര്‍ക്കറ്റില്‍ നിക്ഷേപിക്കാനായി ലക്ഷങ്ങള്‍ തട്ടിയെന്നതാണ് ഇയാള്‍ക്കെതിരെയുള്ള പരാതി.
ഷെയര്‍മാര്‍ക്കറ്റുകളില്‍ രജിസ്റ്റര്‍ ചെയ്യാനെന്ന പേരില്‍ രവി ശങ്കര്‍ സുഹൃത്തുക്കളില്‍ നിന്നും പ്രദേശവാസികളില്‍ നിന്നുമായി ഏകദേശം ഒരുകോടിയോളം രൂപ ഇയാള്‍ പിരിച്ചെടുത്തുവെന്നാണ് പരാതിയില്‍ ആരോപിക്കുന്നത്. തുടക്കത്തില്‍ ഇയാള്‍ ലാഭ വിഹിതവും വിതരണം ചെയ്തിരുന്നെങ്കിലും കഴിഞ്ഞ രണ്ടു വര്‍ഷത്തോളമായി ഇയാള്‍ പണമൊന്നും നല്‍കുന്നില്ല. ഇതോടെയാണ് ആളുകള്‍ രവിശങ്കറിനെതിരെ പരാതി നല്‍കിയത്.
നെടുമങ്ങാട്, പാങ്ങോട് സ്റ്റേഷനുകളിലാണ് ഇയാള്‍ക്കെതിരെ പരാതി ലഭിച്ചിരിക്കുന്നത്. അതേസമയം രവിശങ്കര്‍ നിലവില്‍ ഒളിവിലാണ്. മെഡിക്കല്‍ അവധിയില്‍ പോയ ശേഷം ഇയാള്‍ക്കായി തെരച്ചില്‍ നടത്തിയെങ്കിലും കണ്ടെത്താന്‍ കഴിഞ്ഞിട്ടില്ലെന്നാണ് ഒറ്റപ്പാലം പോലീസ് സ്റ്റേഷന്‍ പ്രതികരിച്ചത്.
പ്രതികരിക്കാൻ ഇവിടെ എഴുതുക: