തിരുവനന്തപുരം: സംസ്കൃത കോളേജിലെ എസ്എഫ്ഐയുടെ അധിക്ഷേപ ബാനറില് പ്രിന്സിപ്പാളിനോട് വിസി വിശദീകരണം തേടിയതിനു പിന്നാലെ ഗവര്ണറിന്റെ തന്തേടെ വകയല്ല രാജ്ഭവന് എന്നെഴുതിയ വലിയ ബാനര് എസ്എഫ്ഐക്കാര് അഴിച്ചുമാറ്റി. വിഷയത്തില് രാജ്ഭവന് ഇടപെട്ടതോടെയാണ് വിസി വിശദീകരണം ആവശ്യപ്പെട്ടതും ബാനര് എസ്എഫ്ഐക്കാര് മുക്കിയതും.
ദിവസങ്ങള്ക്കു മുന്പാണ് കോളജിന്റെ മുന്ഭാഗത്തെ ഗേറ്റിനു മുകളിലായി ബാനര് സ്ഥാപിച്ചത്. ‘ഗവര്ണറുടെ തന്തയുടെ വകയല്ല രാജ്ഭവന്’ എന്നാണ് ബാനറില് ഉണ്ടായിരുന്നത്. ഇത്ര ദിവസമായിട്ടും കേളേജ് അധികൃതര് വിഷയത്തില് ഇടപെട്ടില്ല. തുടര്ന്ന് ബാനര് ശ്രദ്ധയില്പ്പെട്ട രാജ്ഭവന് ഉദ്യോഗസ്ഥര് വിസിയെ വിവരം അറിയിച്ചു. ഫോട്ടോകളും കൈമാറി. തുടര്ന്നാണ് വിസി രജിസ്ട്രാര് വഴി പ്രിന്സിപ്പലിനോട് വിശദീകരണം തേടിയത്. ഇതറിഞ്ഞ എസ്എഫ്ഐക്കാര് ഉടന്തന്നെ ബാനര് മുക്കുകയായിരുന്നു.
