അടുത്ത മൂന്നു വര്‍ഷത്തില്‍ കാണാവുന്ന അവസാന സമ്പൂര്‍ണ്ണ ചന്ദ്രഗ്രഹണം തുടങ്ങി; യുട്യൂബില്‍ ലൈവ് കാണാന്‍ മറക്കല്ലേ

ന്യൂദല്‍ഹി: 2025 വരെയുള്ള അവസാന സമ്പൂര്‍ണ്ണ ചന്ദ്രഗ്രഹണം ചൊവ്വാഴ്ച 3.46 ഓടെ ആരംഭിച്ചു. അടുത്ത മൂന്നു വര്‍ഷങ്ങളില്‍ കാണാനാവുന്ന അവസാനത്തെ സമ്പൂര്‍ണ്ണ ചന്ദ്രഗ്രഹണം കാണാന്‍ ജനങ്ങള്‍ക്കിടയില്‍ വലിയ ആകാംക്ഷ.  വൈകുന്നേരം 5.11 വരെയാണ് ഈ സമ്പൂര്‍ണ്ണ ചന്ദ്രഗ്രഹണം ഇന്ത്യയില്‍ ദൃശ്യമാവുക. ചന്ദ്രന്‍ രക്തവര്‍ണ്ണമായി മാറുന്നത് കാത്തിരിക്കുകയാണ് ലോകം.  

സമ്പൂര്‍ണ്ണ ചന്ദ്രഗ്രഹണം ടൈംആന്‍റ്ഡേറ്റ് .കോം ലൈവായി സ്ട്രീം ചെയ്യുന്നത് യുട്യൂബില്‍ കാണാം:

ഭൂമിയുടെ നിഴല്‍ ചന്ദ്രനെ പൂര്‍ണ്ണമായും മറയ്‌ക്കുന്നതിനാലാണ് ചന്ദ്രന്‍ രക്തനിറത്തില്‍ കാണപ്പെടുന്നത്.  ഇന്ത്യയില്‍ ഈ സമ്പൂര്‍ണ്ണ ചന്ദ്രഗ്രഹണം കാണാമെന്നതിനാല്‍ ഈ അപൂര്‍വ്വ ആകാശക്കാഴ്ചയ്‌ക്ക് മുന്നൊരുക്കങ്ങളും ഏറെ.  

ചന്ദ്രന്‍ രക്തനിറത്തില്‍ കാണപ്പെടുന്ന പ്രതിഭാസത്തിന് റെയ്ലേ സ്കാറ്ററിംഗ് എന്നാണ് പറയുക. ഇത് മൂലം ആകാശം നീലനിറവും സൂര്യാസ്തമയം ചുവന്ന നിറത്തിലുമാകുന്നു. അതാണ് ചന്ദ്രനെയും ചുവപ്പുനിറത്തിലേക്ക് മാറ്റുന്നത്. അടുത്ത ചന്ദ്രഗ്രഹണം 2025 മാര്‍ച്ച് 14ന് മാത്രം.