മൈസൂര് : കെആര് നഗര് ജനവാസമേഖലയില് പുലിയിറങ്ങി. പുലിയുടെ ആക്രമണത്തില് ഒരു കാല്നട യാത്രക്കാരനും ഇരുചക്രവാഹനത്തില് സഞ്ചരിച്ചയാള്ക്കും പരിക്കേറ്റിട്ടുണ്ട്. ഏറെ നേരത്തെ പരിശ്രമങ്ങള്ക്ക് ശേഷം പുലിയ പിടിയിലായെങ്കിലും ഒരു വനം വകുപ്പ് ഉദ്യോഗസ്ഥന് പരിക്കേറ്റു.
കഴിഞ്ഞ ദിവസങ്ങളില് പുലിയിറങ്ങിയതായുള്ള വിവരം പുറത്ത് വന്നിരുന്നെങ്കിലും ഇന്ന് രാവിലെയോടെയാണ് ജനവാസ മേഖലകളില് പുലിയെ കണ്ടെത്തിയത്. പുലി കെട്ടിടങ്ങള്ക്കുമുകളിലേക്കും വീടുകള്ക്ക് ഉള്ളിലേക്കും കയറാനും ശ്രമം നടത്തി. ഇതിന്റെ ദൃശ്യങ്ങളും പുറത്ത് വന്നിട്ടുണ്ട്.
പുലി ജനവാസ കേന്ദ്രത്തിലിറങ്ങി ഓടുന്നതിനിടെ കാല്നട യാത്രക്കാര്ക്കും ഇരുചക്ര വാഹനത്തില് സഞ്ചരിച്ച ഒരാള്ക്ക് നേരേയും ആക്രമണം നടത്തിയിട്ടുണ്ട്. പുലി ഇറങ്ങിയ വിവരമറിഞ്ഞെത്തിയ വനംവകുപ്പ് ഉദ്യോഗസ്ഥര് പുലിയെ പിടികൂടാനുള്ള ശ്രമങ്ങള്ക്കിടെ ഒരു വനപാലകനും പരിക്കേറ്റു. ഇയാളുടെ പരിക്ക് ഗുരുതരമല്ലെന്നാണ് സൂചന.
പുലിയുടെ ഓട്ടത്തിനിടെ കാല്നടയാത്രക്കാര്ക്കും ഇരുചക്രവാഹനത്തില് സഞ്ചരിച്ച ഒരാള്ക്കും പരിക്കേറ്റിട്ടുണ്ട്. മണിക്കൂറുകള് നീണ്ടശ്രമത്തിനൊടുവിലാണ് പുലിയെ പിടികൂടാന് സാധിച്ചത്. പിടികൂടിയെ പുലിയെ വനത്തിലേക്ക് തുറന്നുവിടും.
