മഞ്ചേരിയിൽ ഭാര്യ ഭർത്താവിനെ കുത്തിക്കൊന്നു; കറിക്കത്തികൊണ്ടുള്ള ആക്രമണം വാക്ക്തർക്കത്തിനിടെ

മലപ്പുറം : മഞ്ചേരി കോഴിക്കാട്ട്കുന്നിൽ ഭാര്യ ഭർത്താവിനെ കുത്തിക്കൊന്നു.  നാരങ്ങാത്തൊടി കുഞ്ഞി മുഹമ്മദ്(  65) നെയാണ് ഭാര്യ നഫീസ കറിക്കത്തികൊണ്ട് കുത്തി കൊലപ്പെടുത്തിയത്. ബുധനാഴ്ച രാവിലെ പത്തരമണിയോടെയാണ് സംഭവം. വാക്ക് തർക്കത്തിനിടെ കത്തിയെടുത്തു കുത്തുകയായിരുന്നു.  

നഫീസയെ പോലീസ് കസ്റ്റഡിയിലെടുത്ത് ചോദ്യം ചെയ്തു വരികയാണ്. ബഹളം കേട്ട് എത്തിയ അയൽവാസികൾ  മുഹമ്മദിനെ മഞ്ചേരിയിലെ സ്വകാര്യ ആശുപത്രിയിൽ എത്തിച്ചെങ്കിലും 11 മണിയോടെ മരണപ്പെട്ടു. മൃതദേഹം മഞ്ചേരി മെഡിക്കൽ കോളേജ് ആശുപത്രിയിലേക്ക് മാറ്റി.