തിരുവനന്തപുരം: മന്ത്രിമാരെ വേണമെങ്കില് താന് പിന്വലിക്കുമെന്ന് ഗവര്ണര് ആരിഫ് മുഹമ്മദ് ഖാന്റെ താക്കീതിന് മുന്നില് മുട്ടുമടക്കി മന്ത്രിമാര്.
കഴിഞ്ഞ ദിവസം മന്ത്രി ആര്. ബിന്ദു നടത്തിയ ചില തുറന്ന വിമര്ശനങ്ങള്ക്കെതിരെ ആയിരുന്നു ഗവര്ണര് ട്വിറ്ററില് പോസ്റ്റിട്ടത്. ഗവര്ണറുടെ അന്തസ്സ് ഇടിച്ചുതാഴ്ത്തുന്ന പ്രസ്താവനകള് നടത്തിയാല് അത്തരം പ്രസ്താവനകള് നടത്തുന്ന മന്ത്രിമാരെ പിന്വലിക്കല് അടക്കം നടപടികള് എടുത്തേക്കുമെന്നായിരുന്നു ഗവര്ണറുടെ ഭീഷണി.
എന്തായാലും മന്ത്രി എം.ബി. രാജേഷ് ഗവര്ണര്ക്ക് മൂന്ന് ഉപദേശങ്ങള് നല്കുന്ന പോസ്റ്റ് ഫേസ്ബുക്കില് പങ്കുവെച്ചിരുന്നു. എന്നാല് ഏതാനും മിനിറ്റുകള്ക്കകം ഈ പോസ്റ്റ് രാജേഷ് തന്നെ പിന്വലിക്കുകയായിരുന്നു.
മന്ത്രിയുടെ ഔദ്യോഗിക വാട്സാപ് ഗ്രൂപ്പുകളിലും ഈ പോസ്റ്റ് പങ്കുവെച്ചിരുന്നു. എന്നാല് ഇതില് അപാകതകളുണ്ടെന്ന് തോന്നിയതിനാല് പോസ്റ്റ് പിന്വലിക്കുകയായിരുന്നു എന്ന് അറിയുന്നു. ഗവര്ണറുടെ ഭീഷണിയും പോസ്റ്റ് പിന്വലിക്കാന് കാരണമായിട്ടുണ്ട്.
