ചങ്ങനാശ്ശേരി: യുവാവിനെ കൊലപ്പെടുത്തി വീടിന്റെ തറ തുരന്ന് കുഴിച്ചിട്ട ശേഷം കോണ്ക്രീറ്റ് ചെയ്തതായി സംശയം. ആലപ്പുഴയില് നിന്നും കാണാതായ യുവാവിന്റെ മൃതദേഹമാണ് ചങ്ങനാശേരി പൂവത്ത് വീടിന്റെ തറ തുരന്ന് കുഴിച്ചിട്ട ശേഷം കോണ്ക്രീറ്റ് ചെയ്തതായി സംശയമുള്ളത്.സംഭവത്തില് പൊലീസ് സംഘം അന്വേഷണം ആരംഭിച്ചു.പൂവത്തെ വീട്ടില് എത്തിയ പൊലീസ് സംഘം പ്രാഥമിക പരിശോധന നടത്തിയപ്പോള് മൃതദേഹം ഇവിടെ ഉണ്ടെന്നാണ് കണ്ടെത്തിയിരിക്കുന്നതെന്നാണ് റിപ്പോര്ട്ട്.
കഴിഞ്ഞ ദിവസം വാകത്താനം ഇരവിനല്ലൂരില് തോട്ടില് നിന്നും ആലപ്പുഴ രജിസ്ട്രേഷനിലുള്ള ബൈക്ക് കണ്ടെത്തിയിരുന്നു.ഇതുമായി ബന്ധപ്പെട്ട് നടത്തിയ അന്വേഷണത്തിലാണ് അന്വേഷണം പുരോഗമിക്കുന്നത്.
ആലപ്പുഴ സ്വദേശിയായ ബിന്ദുകുമാര് എന്ന 40കാരനെ കാണാനില്ലെന്ന് കാണിച്ച് ഇയാളുടെ അമ്മ ഏതാനും ദിവസങ്ങള്ക്ക് മുന്പ് നോര്ത്ത് പോലീസ് സ്റ്റേഷനില് പരാതി നല്കിയിരുന്നു. സംഭവത്തില് അന്വേഷണം പുരോഗമിക്കുന്നതിനിടയില് തൃക്കൊടിത്താനത്ത് തോട്ടില് നിന്ന് ബിന്ദുകുമാറിന്റെ ബൈക്ക് കണ്ടെത്തി. തുടര്ന്ന് നടത്തിയ അന്വേഷണത്തിലാണ് ബിന്ദുകുമാറിനെ കൊലപ്പെടുത്തിയതാണെന്ന സൂചന പോലീസിന് ലഭിച്ചത്. അസഹോദരീ ഭര്ത്താവ് തന്നെയാണ് കൊലപാതകം നടത്തിയത് എന്ന വിവരവും പോലീസിന് കിട്ടി. കൊന്നതിന് ശേഷം മൃതദേഹം അയാളുടെ വീടിന്റെ തറ തുരന്ന് കുഴിച്ചിട്ടിരിക്കുകയാണെന്ന വിവരമാണ് ഇപ്പോള് പോലീസിന് കിട്ടിയിരിക്കുന്നത്. എന്നാല് ഈ വിവരം പോലീസ് സ്ഥിരീകരിച്ചിട്ടില്ല. വിവരം ഉറപ്പിക്കുന്നതിന്റെ ഭാഗമായിട്ടാണ് തറ തുരക്കുന്നത്. ചങ്ങനാശേരി തഹസില്ദാരുടെ സാന്നിദ്ധ്യത്തിലാണ് പരിശോധന നടത്തുക.
