മട്ടാഞ്ചേരി: തീരസുരക്ഷ ശക്തമാക്കാനായി ഇന്ത്യന്‍ കോസ്റ്റ് ഗാര്‍ഡ് കൊച്ചി യൂണിറ്റിനു പുതിയ കപ്പല്‍ എത്തി. ആധുനിക സംവിധാനങ്ങളോടെയുള്ള ഐസിജിഎസ് സാക്ഷം എന്ന കപ്പലാണ് ഫോര്‍ട്ട് കൊച്ചിയിലെ കോസ്റ്റ് ഗാര്‍ഡ് – നാല് ആസ്ഥാനത്ത് എത്തിയത്. സുരക്ഷാ നിരീക്ഷണം, കടല്‍ അപകടങ്ങളില്‍ രക്ഷാദൗത്യം, കടലിലെ എണ്ണ ചോര്‍ച്ച കണ്ടെത്തല്‍ തുടങ്ങിയവയാണ് പ്രധാന ദൗത്യങ്ങള്‍. കൂടാതെ അഗ്‌നിശമന സംവിധാനങ്ങളുമുണ്ട്.
നൂറ് മീറ്റര്‍ നീളവും 25 മീറ്ററിലേറെ വീതിയുമുള്ള സാക്ഷ്യം കപ്പലിന് ഇരട്ട എന്‍ജിനുള്ള ഒരു ഹെലികോപ്ടറും നാല് അതിവേഗ ബോട്ടുകളും സൂക്ഷിക്കാനും പ്രവര്‍ത്തിപ്പിക്കാനുമുള്ള സൗകര്യങ്ങളും സംവിധാനങ്ങളുമുണ്ട്. ഇന്നലെ ഗോവയില്‍നിന്ന് എത്തിച്ച കപ്പലിനെ കോസ്റ്റ് ഗാര്‍ഡ് ഉന്നതര്‍, നാവിക സേനാധികൃതര്‍ തുടങ്ങിയവര്‍ അടങ്ങിയ സംഘം സ്വീകരിച്ചു.
പ്രതികരിക്കാൻ ഇവിടെ എഴുതുക: