ജലന്ധര്‍: ജനം നോക്കിനില്‍ക്കെ ആം ആദ്മി എംഎൽഎയുടെ മുഖത്തടിച്ച് ആം ആദ്മി പ്രവര്‍ത്തകന്‍ കൂടിയായ ഭർത്താവ്. പഞ്ചാബിലെ ആം ആദ്മി എംഎൽഎയായ ബൽജിന്ദർ കൗറിനാണ് ഈ ദുര്യോഗം. ഭർത്താവ് സുഖ്‌രാജ് സിംഗ് ഭാര്യയായ എംഎല്‍എയെ തല്ലുന്നതിന്റെ വീഡിയോ പുറത്തായതോടെ പഞ്ചാബില്‍ ആം ആദ്മി പ്രതിരോധത്തിലായി. .
ഇയാളും ആം ആദ്മി പ്രവർത്തകനാണ്. വീഡിയോയുടെ അടിസ്ഥാനത്തില്‍ സംഭവത്തില്‍ സംസ്ഥാന വനിതാ കമ്മീഷൻ വിശദീകരണം ചോദിച്ചിരിക്കുകയാണ്. എംഎല്‍എയുടെ ഭര്‍ത്താവിനെതിരെ നടപടിയെടുക്കുമെന്ന് ചെയർപേഴ്സൺ മനീഷ ഗുലാട്ടി അറിയിച്ചു.
എംഎല്‍എയുടെ വീട്ടില്‍വെച്ചാണ് നടന്ന അനിഷ്ടസംഭവം തൊട്ടടുത്തുള്ള സിസിടിവിയില്‍ പതിയുകയായിരുന്നു. ജൂലായ് 10നാണ് സംഭവം നടന്നതെങ്കിലും ഈയിടെയാണ് ദൃശ്യം പ്രചരിച്ചത്. വിഡിയോയിൽ ഇരുവരും തർക്കിക്കുന്നതിന് പിന്നാലെയാണ് ഭര്‍ത്താവ് എംഎൽഎയുടെ മുഖത്തടിക്കുന്നത്. തൊട്ടടുത്തുള്ള ചിലര്‍ ഭര്‍ത്താവിനെ പിടിച്ചുമാറ്റുന്നതും കാണാം. ആം ആദ്മി പാര്‍ട്ടിക്ക് വലിയ നാണക്കെടുണ്ടാക്കിയിരിക്കുകയാണ് സംഭവം.
പ്രതികരിക്കാൻ ഇവിടെ എഴുതുക: