ചെന്നൈ : കഞ്ചാവ് വലിക്കാനായി പെണ്‍കുട്ടികളെ എത്തിച്ചു നല്‍കിയ വിദ്യാര്‍ത്ഥിനിയുടെ തല കാമുകന്‍ തല്ലിപ്പൊളിച്ചു. തമിഴ്‌നാട് കന്യാകുമാരി കുളച്ചിലിലാണ് സംഭവം. വിദ്യാര്‍ത്ഥിനിയുടെ താമസ സ്ഥലത്ത് കഞ്ചാവ് പാര്‍ട്ടി നടത്തുന്നതിനിടെ കാമുകന്‍ എത്തുകയും പെണ്‍കുട്ടിയെ മര്‍ദ്ദിക്കുകയുമായിരുന്നു. ഗുരുതരമായി പരിക്കേറ്റ നാഗര്‍കോവില്‍ സ്വദേശിനി ചികിത്സയിലാണ്.
അജിന്‍ എന്ന യുവാവുമായി പെണ്‍കുട്ടി ഏറെ നാളായി പ്രണയത്തിലായിരുന്നു. അടുത്തകാലത്താണ് പെണ്‍കുട്ടി കഞ്ചാവ് ഉപയോഗിക്കുന്നതായി യുവാവ് അറിയുകയും അതിനെ വിലക്കുകയും ചെയ്തിരുന്നു. ആണും പെണ്ണും ഒന്നിച്ചിരുന്നു കഞ്ചാവ് വലിക്കുന്ന പാര്‍ട്ടികളിലായിരുന്നു പെണ്‍കുട്ടിക്ക് താല്‍പര്യം.
താമസിക്കുന്ന സ്ഥലത്ത് രാത്രി കഞ്ചാവ് പാര്‍ട്ടി സംഘടിപ്പിക്കാന്‍ പെണ്‍കുട്ടി തീരുമാനിച്ചു. അജിന്‍ ഇതിനെ എതിര്‍ത്തെങ്കിലും പാര്‍ട്ടി നടത്തി. പെണ്‍കുട്ടിയുടെ സഹപാഠി വഴി ഇക്കാര്യം അറിഞ്ഞ അജിന്‍ രാത്രി സ്ഥലത്ത് എത്തുകയും പാര്‍ട്ടിക്കായി എത്തിയ ആണ്‍കുട്ടികളേയും പെണ്‍കുട്ടികളേയും അടിച്ചോടിച്ചു.
എതിര്‍ക്കാനെത്തിയ പെണ്‍കുട്ടിയുടെ തല അജിന്‍ അടിച്ചുപൊട്ടിച്ചു. ലഹരിപ്പാര്‍ട്ടികളില്‍ പങ്കെടുക്കാന്‍ മറ്റു വിദ്യാര്‍ത്ഥിനികളെ എത്തിച്ചിരുന്നത് ഈ പെണ്‍കുട്ടിയാണെന്നാരോപിച്ചാണ് കാമുകന്റെ ആക്രമണം. ഗുരുതരമായി പരിക്കേറ്റ പെണ്‍കുട്ടിയെ ഇയാള്‍ തന്നെ ആശുപത്രിയില്‍ എത്തിച്ചശേഷം ഒളിവില്‍ പോയി.
പരിക്കില്‍ സംശയംതോന്നിയ ആശുപത്രി അധികൃതര്‍ നടത്തിയ അന്വേഷണത്തിലാണ് ഈ വിവരങ്ങള്‍ പുറത്തുവന്നത്. തുടര്‍ന്ന് പോലീസിനെ അറിയിച്ചു. അജിനായി പോലീസ് തെരച്ചില്‍ നടത്തി വരികയാണ്. പെണ്‍കുട്ടിയുടെ താമസസ്ഥലത്ത് പോലീസ് നടത്തിയ പരിശോധനയില്‍ ഗര്‍ഭനിരോധന ഉറകളും കഞ്ചാവും കണ്ടെടുത്തു. ലഹരി സംഘവുമായി ഇതിന് ബന്ധമുള്ളതായും സംശയിക്കുന്നുണ്ട്. കൂടാതെ കൂടുതല്‍ പെണ്‍കുട്ടികള്‍ സംഘത്തില്‍ ഉള്‍പ്പെട്ടതായും സംശയമുണ്ട്. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: