സ്‌റ്റേഷനില്‍ ജോലിക്കെത്തിയ എസ്‌ഐ നെഞ്ചുവേദനയെ തുടര്‍ന്ന് കുഴഞ്ഞുവീണ് മരിച്ചു

കോഴിക്കോട് : സ്‌റ്റേഷനില്‍ ജോലിക്കെത്തിയ എസ്‌ഐ കുഴഞ്ഞുവീണ് മരിച്ചു. താമരശ്ശേരി സ്റ്റേഷനിലെ പ്രിന്‍സിപ്പല്‍ എസ്‌ഐ സനൂജാണ് മരിച്ചത്. ഇന്ന് രാവിലെയാണ് സംഭവം.  

ജോലിക്ക് എത്തിയ ഉടനെ നെഞ്ച് വേദന അനുഭവപ്പെടുകയും സ്റ്റേഷനില്‍ കുഴഞ്ഞ് വീഴുകയുമായിരുന്നു. ഇദ്ദേഹത്തെ ഉടന്‍ തന്നെ  കോഴിക്കോട് മെഡിക്കല്‍ കോളേജില്‍ എത്തിച്ചെങ്കിലും ജീവന്‍ രക്ഷിക്കാനായില്ല.