അഗ്നിപഥ് റിക്രൂട്ട്മെന്റ് റാലിയിലൂടെ മിലിട്ടറി പോലീസില് ചേരാന് വനിതകളില് നിന്നും അപേക്ഷ ക്ഷണിക്കുന്നു. ബംഗളുരു റിക്രൂട്ടിംഗ് മേഖലാ ആസ്ഥനത്തിന്റെ നേതൃത്വത്തില് 2022 നവംബര് 1 മുതല് 3 വരെ ബംഗളുരു മനേക്ഷ പരേഡ് ഗ്രൗണ്ടില് നടക്കുന്ന റിക്രൂട്ട്മെന്റ് റാലിയില് കേരളം, കര്ണാടക, ലക്ഷദ്വീപ്, മാഹി എന്നിവിടങ്ങളിലെ വനിതകള്ക്ക് പങ്കെടുക്കാം. അഗ്നിവീര് ജനറല് ഡ്യൂട്ടി (സ്ത്രീകള്) എന്ന തസ്തികയിലേക്കാണ് തിരഞ്ഞെടുക്കപ്പടുന്നത്.
വയസ്സ്, വിദ്യാഭ്യാസ യോഗ്യത, മറ്റ് വിശദ വിവരങ്ങള് എന്നിവ www.joinindianarmy.nic.in എന്ന വെബ്സൈറ്റില് ലഭ്യമാണ്. താല്പര്യമുള്ള വനിതകള്ക്ക് ഈ വെബ്സൈറ്റിലൂടെ ഓഗസ്റ്റ് 9 മുതല് സെപ്റ്റംബര് 7 വരെ ഓണ്ലൈന് രജിസ്ട്രേഷന് ചെയ്യാം. വിജയകരമായി റജിസ്ട്രേഷന് പൂര്ത്തിയാക്കുന്ന പരീക്ഷാര്ഥികള്ക്ക് 2022 ഒക്ടോബര് 12 മുതല് 31 വരെയുള്ള കാലയളവില് അഡ്മിറ്റ് കാര്ഡ് അയ്ക്കുന്നതാണ്.
