ആരാധകര്‍ക്കായി നടി നയന്‍താരയുടെയും സംവിധായകന്‍ വിഘ്നേഷ് ശിവന്റെയും വിവാഹ ഡോക്യുമെന്ററി പ്രമോ പുറത്തുവിട്ട് നെറ്റ് ഫ്‌ളിക്‌സ്. താര വിവാഹം കഴിഞ്ഞ് രണ്ട് മാസങ്ങള്‍ക്ക് ശേഷമാണ് നെറ്റ്ഫ്ളിക്സ് പ്രമോ പുറത്തുവിട്ടിരിക്കുന്നത്.
നെറ്റ്ഫ്ളികസ് ഇന്ത്യ സൗത്തിന്റെ സോഷ്യല്‍ മീഡിയ പ്ലാറ്റ്ഫോമിലൂടെ ‘നയന്‍താര: ബിയോണ്ട് ദി ഫെയറി ടെയില്‍’ എന്നാണ് ഡോക്യുമെന്ററിക്ക് പേര് നല്‍കിയിട്ടുള്ളത്. പ്രണയവും വിവാഹത്തെ കുറിച്ചും ഇരുവരും സംസാരിക്കുന്നതാണ് പ്രമോയില്‍ പറയുന്നത്. വീഡിയോ പുറത്തുവന്ന ഉടന്‍ തന്നെ ആരാധകര്‍ അത് ഏറ്റെടുത്ത് കഴിഞ്ഞു.
ജൂണ്‍ 9 ന് മഹാബലി പുരത്ത് വച്ചായിരുന്നു നയന്‍താര വിഘേനേഷ് ശിവന്‍ വിവാഹം. ഒടിടി പ്ലാറ്റ്‌ഫോമാ. നെറ്റ്ഫ്ളിക്സ് വിവാഹത്തിന്റെ സംപ്രേഷണാവകാശം വാങ്ങിയിരുന്നു. രജനികാന്ത്, ഷാരൂഖ് ഖാന്‍, മണിരത്നം, സൂര്യ, ജ്യോതിക തുടങ്ങി ഇന്ത്യന്‍ സിനിമാരംഗത്തെ പ്രമുഖര്‍ ചടങ്ങില്‍ പങ്കെടുത്തിരുന്നു.
വിവാഹത്തിന്റെ ചിത്രങ്ങളില്‍ ചിലത് വിഘ്നേഷ് ശിവന്‍ പങ്കുവെയ്‌ക്കുകയും സമൂഹ മാധ്യമങ്ങളില്‍ ഇത് വൈറലാവുകയും ചെയ്തിരുന്നു. അതേസമയം വിവാഹ വീഡിയോ സ്ട്രീം ചെയ്യുന്നതില്‍ നിന്നും ഒടിടി പ്ലാറ്റ്‌ഫോം പിന്മാറി എന്ന് വാര്‍ത്തകള്‍ ഉണ്ടായിരുന്നു. ഒടുവില്‍ നെറ്റ്ഫ്ളിക്സ് അത് നിഷേധിച്ചു രംഗത്ത് വരുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക: