കൊല്ലം: അച്ചന്‍കോവില്‍ കുംഭാവുരുട്ടി വെളളച്ചാട്ടത്തില്‍ മലവെളളപ്പാച്ചില്‍. ഒരാള്‍ മരിച്ചു. അഞ്ച് പേര്‍ അച്ഛന്‍ കോവിലാറിന്റെ മറുകരയില്‍ കുടുങ്ങി കിടക്കുകയാണ്. ഒഴുക്കില്‍പ്പെട്ട് തമിഴ്‌നാട് മധുരൈ സ്വദേശി കുമരന്‍ ആണ് മരിച്ചത്. രക്ഷപ്പെടുത്തിയ മറ്റൊരാളെ പുനലൂര്‍ താലൂക്ക് ആശുപത്രിയില്‍ പ്രവേശിപ്പിച്ചിരിക്കുകയാണ്.
ഞായറാഴ്ച വൈകിട്ട് നാലേകാലോടെയായിരുന്നു സംഭവം. വിനോദ സഞ്ചാരികള്‍ കുളിച്ചുകൊണ്ടിരിക്കെ വനത്തിനുളളില്‍ ഉരുള്‍പൊട്ടി മലവെളളപ്പാച്ചിലുണ്ടാകുകയായിരുന്നു. കുടുങ്ങികിടക്കുന്ന അഞ്ച് പേരില്‍ ഒരാളുടെ തലക്ക് പരുക്കേറ്റിട്ടുണ്ട്. വനം വകുപ്പ് ഉദ്യോഗസ്ഥരും അഗ്‌നിരക്ഷാ സേനയും സ്ഥലത്തെത്തിയിട്ടുണ്ട്. മലവെളളപ്പാച്ചിലുണ്ടായ ഉടനെ ആളുകള്‍ ചിതറിയോടുകയായിരുന്നു. തമിഴ്‌നാട് സ്വദേശികളാണ് വിനോദ സഞ്ചാരികളില്‍ കൂടുതലും.
അച്ഛന്‍കോവില്‍ വനത്തിനുളളില്‍ തമിഴ്നാടുമായി ചേര്‍ന്ന് നില്‍ക്കുന്ന വെളളച്ചാട്ടമാണ് കുംഭാവുരുട്ടി.
പ്രതികരിക്കാൻ ഇവിടെ എഴുതുക: