ഇന്ദ്രന്‍സ് ഡോ. ലൂയിസ് എന്ന ടൈറ്റില്‍ കഥാപാത്രമായി എത്തുന്ന ലൂയിസ് എന്ന ചിത്രത്തിന്റെ ചിത്രീകരണം പൂര്‍ത്തിയായി റിലീസിന് ഒരുങ്ങുന്നു. ഷാബു ഉസ്മാന്‍ കഥയെഴുതി സംവിധാനം ചെയ്യുന്ന ഈ ചിത്രം നിര്‍മ്മിക്കുന്നത് കൊട്ടുപള്ളില്‍ മൂവീസ് പ്രൊഡക്ഷന്റെ ബാനറില്‍ റ്റിറ്റി എബ്രഹാം കൊട്ടുപള്ളില്‍ ആണ്. മനു ഗോപാല്‍ ആണ് തിരക്കഥ. ഇന്ദ്രന്‍സ് തന്റെ അഭിനയ ജീവിതത്തിലെ തീര്‍ത്തും വ്യത്യസ്ത കഥാപാത്രമായി എത്തുന്നു എന്നതാണ് ലൂയിസിന്റെ പ്രത്യേകത. കുട്ടികളെ ഇഷ്ടപ്പെടുന്ന, കുട്ടികളോടൊപ്പം കുടുതല്‍ സമയം ചിലവഴിക്കാന്‍ സമയം കണ്ടെത്തുന്ന ഡോ. ലൂയിസിനെ ഇഷ്ടപ്പെടാത്തവരായി ആരും ഉണ്ടായിരുന്നില്ല. ഡോ. ലൂയിസായി ഇന്ദ്രന്‍സ് നന്നായി തിളങ്ങി.
പുതിയ കാലഘട്ടത്തിലെ ഓണ്‍ലൈന്‍ പഠനത്തിന്റെ ദൂഷ്യവശങ്ങളെ വരച്ചുകാണിക്കുന്ന ചിത്രമാണ് ലൂയിസ് എന്ന് സംവിധായകന്‍ ഷാബു ഉസ്മാന്‍ പറയുന്നു.
ഇന്ദ്രന്‍സിനെ കൂടാതെ സായ്കുമാര്‍, ജോയ് മാത്യൂ, മനോജ് കെ ജയന്‍, അശോകന്‍, അജിത്ത് കൂത്താട്ടുകുളം, അസിസ്, രോഹിത്, അല്‍സാബിദ്, ആദിനാട് ശശി, ആസ്റ്റിന്‍, കലാഭവന്‍ നവാസ്, ശശാങ്കന്‍, രാജേഷ് പറവൂര്‍, ബിട്ടു തോമസ്, സിയാദ് അബ്ദുള്ള, ലെന, ദിവ്യാ പിള്ള, സ്മിനു സിജോ, മീനാക്ഷി, ടെസ്സ തുടങ്ങിയ മലയാള സിനിമയില്‍ പ്രമുഖ താര നിരകള്‍ ഈ ചിത്രത്തില്‍ ഭാഗമാകുന്നു.
ക്യാമറ-ആനന്ദ് കൃഷ്ണ, അസോസിയേറ്റ് ഡയറക്ടര്‍-ഷിബു ഗംഗാധരന്‍, സംഗീതം-ജാസി ഗിഫ്റ്റ്, രാജീവ് ശിവ, ഗാനരചന -മനു മന്‍ജിത്ത്, ഷാബു ഉസ്മാന്‍ കോന്നി, ആലാപനം-നിത്യ മാമ്മന്‍, ശ്രേയ, ജാസി ഗിഫ്റ്റ്, എഡിറ്റര്‍ – നൗഫല്‍ അബ്ദുള്ള, പശ്ചാത്തല സംഗീതം-ജാസി ഗിഫ്റ്റ്, ആര്‍ട്ട്-സജി മുണ്ടയാട്, മേക്കപ്പ്-പട്ടണം ഷാ, വസ്ത്രാലങ്കാരം-രവി കുമാരപുരം, ത്രില്‍സ് – ജാക്കി ജോണ്‍സന്‍, പ്രൊഡക്ഷന്‍ കണ്‍ട്രോളര്‍-ഹസ്മീര്‍ നേമം, കോറിയോഗ്രാഫി-ജയ്, സ്റ്റില്‍-സജി തിരുവല്ല ,ഡിസൈന്‍ -എസ്.കെ.ഡി കണ്ണന്‍ എന്നിവരാണ് മറ്റു അണിയറ പ്രവര്‍ത്തകര്‍.
പ്രതികരിക്കാൻ ഇവിടെ എഴുതുക: