ന്യൂദല്‍ഹി: അഗ്നിപഥ് റിക്രൂട്ട് മെന്‍റിനിടയില്‍ ഉദ്യോഗാര്‍ത്ഥികളുടെ ജാതി ചോദിച്ചെന്ന വ്യാജപ്രചാരണം. ആം ആദ്മി പാര്‍ട്ടിയുടെ സഞ്ജയ് സിങ്ങാണ് അഗ്നിപഥ് റിക്രൂട്ട്മെന്‍റിന് ജാതിയും മതവും ചോദിച്ചെന്ന പ്രചാരണം ട്വിറ്ററിലൂടെ അഴിച്ചുവിട്ടത്.
എന്നാല്‍ പിന്നീട് ബിജെപി ഫാക്ട ചെക്ക് നടത്തിയപ്പോള്‍ ഇത്തരത്തില്‍ അഗ്നിപഥ് റിക്രൂട്ട്മെന്‍റിനെതിരെ കോണ്‍ഗ്രസ്, ആംആദ്മി നേതാക്കള്‍ ഒട്ടേറെ വ്യാജപ്രചാരണങ്ങള്‍ ട്വിറ്ററിലൂടെയും മറ്റ് സമൂഹമാധ്യമങ്ങളിലൂടെയും അഴിച്ചുവിടുന്നതായി തെളിഞ്ഞത്. യുവാക്കളെ പ്രകോപിപ്പിക്കാനുള്ള ശ്രമത്തിന്റെ ഭാഗമാണ് ഈ ദുഷ്പ്രചരണം. ഇതെല്ലാം വ്യാജപ്രചാരണങ്ങളാണെന്നും ജാതി ചോദിച്ചു എന്നത് തെറ്റായ പ്രചാരണമാണെന്നും കേന്ദ്ര പ്രതിരോധമന്ത്രി രാജ് നാഥ് സിങ്ങ് വ്യക്തമാക്കി.
“സ്വാതന്ത്ര്യത്തിന് മുന്‍പ് നിലനിന്ന അതേ സംവിധാനമാണ് സൈന്യത്തില്‍ ഇപ്പോഴും നിലനില്‍ക്കുന്നത്. പഴയ സംവിധാനം അതേ പടി തുടരുകയാണ്.”- രാജ് നാഥ് സിങ്ങ് പറഞ്ഞു.
പ്രതികരിക്കാൻ ഇവിടെ എഴുതുക: