കന്നടയിലും, മലയാളത്തിലുമായി ഒരുങ്ങുന്ന ചിത്രമാണ് ബയലാട്ടം .എന്‍ .എന്‍ .ബൈജു സംവിധാനം ചെയ്യുന്ന ഈ ചിത്രത്തില്‍ പ്രധാന വേഷത്തില്‍ എത്തുന്നത്, ജാക്ക് ഫ്രൂട്ട്, ട്രാക്കിംങ് ഷാഡോ എന്നീ ചിത്രങ്ങളില്‍ പ്രധാന വേഷങ്ങളിലെത്തിയ ജീവന്‍ ചാക്ക ആണ് .സുരാജ് വെഞ്ഞാറമ്മൂടിനൊപ്പം ആദ്യകാലങ്ങളില്‍ നിരവധി കോമഡി സീരിയലുകളില്‍ പ്രധാന വേഷം അവതരിപ്പിച്ച ജീവന്‍ ആദ്യമാണ് ഒരു ചിത്രത്തില്‍ പ്രധാന വേഷത്തിലെത്തുന്നത്.
സ്വാതന്ത്ര്യ സമര സേനാനിയും, രാഷ്‌ട്ര കവിയുമായ ഗോവിന്ദപൈയുടെ ജീവിതത്തെ ആധാരമാക്കി ജെ.കെ. മഞ്ചേശ്വര്‍ എഴുതിയ ഹിന്ദുസ്ഥാന്‍ ഹമാര എന്ന നോവലിനെ ഇതിവൃത്തമാക്കി നിര്‍മ്മിക്കുന്ന ബയലാട്ടം കാസര്‍കോഡും പരിസരങ്ങളിലുമായി ഉടന്‍ ചിത്രീകരണം തുടങ്ങും. ഗോള്‍ഡന്‍ ഫിലിംസ് നിര്‍മ്മിക്കുന്ന ബയലാട്ടം എന്‍.എന്‍. ബൈജു സംവിധാനം ചെയ്യുന്നു. രചന- ജെ.കെ. മഞ്ചേശ്വര്‍, ക്യാമറ -സന്‍ജയ്കുമാര്‍, പി.ആര്‍.ഒ- അയ്മനം സാജന്‍.ജീവന്‍ ചാക്കയോടൊപ്പം ഗാത്രി വിജയും, മലയാളം, കന്നട ഭാഷകളിലെ താരങ്ങളും വേഷമിടുന്നു.
പ്രതികരിക്കാൻ ഇവിടെ എഴുതുക