ന്യൂദല്‍ഹി: ഗുരുഗ്രാം സെക്ടര്‍ 21 ധര്‍മ്മ ശാസ്താ ക്ഷേത്രത്തില്‍ രാമായണ മാസാചാരണ മഹോത്സവം പ്രമാണിച്ച് 2022 ജൂലൈ 17 ഞായറാഴ്ച മുതല്‍ ആഗസ്റ്റ് 16 വരെ ദിവസവും രാവിലെ 5.30ന് നിര്‍മ്മാല്യ ദര്‍ശനം, മലര്‍ നിവേദ്യം, 6-ന് അഷ്ടദ്രവ്യ മഹാഗണപതി ഹോമം എന്നിവ നടക്കും. തുടര്‍ന്ന് പതിവ് പൂജകളും ഉണ്ടാവും.
17ന് വൈകിട്ട് 5:30ന് നട തുറക്കും. 6:30-ന് ദീപാരാധന, ദീപക്കാഴ്ച തുടര്‍ന്ന് അയ്യപ്പ സേവാ സമിതി ഗുരുഗ്രാം അവതരിപ്പിക്കുന്ന ഭജന. 8ന് അത്താഴപൂജ. 8:30-ന് ഹരിവരാസനം പാടി നട അടക്കും. തുടര്‍ന്ന് പ്രസാദ വിതരണം. രാമായണ മാസാചരണ മഹോത്സവത്തിന്റെ ഭാഗമായി കര്‍ക്കിടകം ഒന്ന് മുതല്‍ 31വരെ ദിവസവും ഗണപതി ഹോമവും ഭഗവതിസേവയും ഉണ്ടായിരിക്കും.
പൂജകള്‍ മുന്‍കൂട്ടി ബുക്ക് ചെയ്യുവാനായി ദേവസ്വം ഓഫീസുമായി 01244004479, 9311874983 എന്നീ നമ്പരുകളില്‍ ബന്ധപ്പെടാവുന്നതാണന്ന് ഭാരവാഹികള്‍ അറിയിച്ചു.
പ്രതികരിക്കാൻ ഇവിടെ എഴുതുക: