കൊച്ചി: കെ.കെ രമയ്ക്കെതിരെ എം.എം.മണി നടത്തിയ പ്രസ്ഥാവന നിലവാരം കുറഞ്ഞതായിപ്പോയെന്ന് ബിജെപി സംസ്ഥാന അദ്ധ്യക്ഷന് കെ. സുരേന്ദ്രന്.മണിയെ നന്നാക്കാന് ശ്രമിക്കുന്നത് ഇലക്ട്രിക് പോസ്റ്റിന് വെളളമൊഴിക്കുന്നത് പോലെയാണെന്നും സുരേന്ദ്രന് പരിഹസിച്ചു.അരുതാത്ത പരാമര്ശമാണ് എം.എം മണി നടത്തിയത്.മാലിന്യജല്പനങ്ങളാണ് എം.എം മണി ദിവസവും നടത്തുന്നത്.
തെറ്റ് ചെയ്താല് മാപ്പ് പറയാന് മനസാക്ഷിയില്ലാത്ത ആളുകളിലൊരാളാണ് എം.എം.മണി.കെ.കെ രമയ്ക്കെതിരെ നടത്തിയ പ്രസ്ഥാവനയില് മാപ്പ് പറയണമെന്നും കെ.സുരേന്ദ്രന് ആവശ്യപ്പെട്ടു.എന്നാല് തന്റെ പരാമര്ശത്തില് ഖേദമില്ലെന്നാണ് എം.എം.മണി ഇന്നും പറഞ്ഞത്.കൊലയാളിയാണെന്ന തരത്തില് മുഖ്യമന്ത്രിക്കെതിരെ രമ പ്രതികരിച്ചിട്ടുണ്ടെന്നും അതെന്ത് മര്യാദയാണെന്നും അദ്ദേഹം ചോദിച്ചിരുന്നു.
കെ.കെ രമ ഇത്രനാളും മുഖ്യമന്ത്രിയെ തേജോവധം ചെയ്തപ്പോള് ഞങ്ങളാരും പ്രതികരിച്ചില്ലെന്നും മണി പറഞ്ഞു.ഇന്ന് സഭയില് എം.എം മണി ഹാജരായിരുന്നില്ല.മണി സഭയില് ഹാജരാകാതിരുന്നത് പേടിച്ചിട്ടാണെന്ന് കരുതുന്നതായാണ് കെ.കെ രമ അഭിപ്രായപ്പെട്ടത്.എം.എം മണി സംഭവത്തില് മാപ്പ് പറയണമെന്ന് ആവശ്യപ്പെട്ട് ഇന്നും പ്രതിപക്ഷം സഭയില് ശക്തമായി പ്രതിഷേധിച്ചിരുന്നു.
